Posted: 01/23/2012 10:43 AM IST

సమన్వయ కమిటీకి నేతృత్వం వహిస్తున్న ఆజాద్ మళ్ళీ వచ్చారు, మళ్ళీ వెళ్ళారు. ఈ మధ్యలో శని, ఆదివారాలలో జరగవలసిన రెండవ సమన్వయ కమిటీ మీటింగ్ నామమాత్రంగానే మిగిలిపోయింది. ఎజెండా ఏమిటంటే ఏమీ లేదంటారాయన. మంత్రులకు సైతం ఆయన సమయాన్నివ్వలేకపోయారు. ఇక మాజీ మంత్రులు, ఎమ్మెల్యేలు, కార్యకర్తల సంగతి ఏం చెప్పాలి. ఆజాద్ వస్తున్నారని ఆయనతో ఏం మాట్లాడాలి, ఏ విషయాలు ఎలా ఆయన చెవుల్లో ఇంపుగా ఉండేట్టుగా పడేయాలని రిహార్సల్స్ చేసుకున్న పార్టీ శ్రేణులకు నిరాశే మిగిల్చి మరలిపోయారు ఆజాద్.

లేక్ వ్యూ గెస్ట్ హౌస్కి వస్తారని తెలుసుకుని అక్కడ ఎందరో ఆయన కోసం వేచిచూస్తే అక్కడికీ రాలేదు. గాంధీ భవన్ లో కలుస్తారేమోనని ఆశపడ్డారు. ఏదో సమన్వయం చేపట్టారు తమ గోడు వింటారనుకున్న ఆజాద్, కేవలం ప్రముఖులతోనే కలవటం, వారితో విందులారగించటం పార్టీ లో చాలామందికి అసంతృప్తిని మిగిల్చింది. హోం మంత్రి సబితా ఇంద్రారెడ్డి, డి.కె.అరుణ ఇంకా ఎందరో మంత్రులు సీనియర్లు ఆజాద్ కి దూరం నుంచి నమస్కారం పెట్టి ఊరుకోవటమే జరిగింది కానీ మాట్లాడటానికి అవకాశం చిక్కలేదు. మాజీ ఎంపీ రేణుకా చౌదరి ఇచ్చిన అల్పాహార విందులో పాల్గొన్నారు,  ఆ తర్వాత ఆయన గవర్నర్ తో భేటీ అయ్యారు.

కలవని వాళ్ళని ఎలాగూ కలవలేదు, కలిసిన వాళ్ళతో భేటీలు కూడా కేవలం మర్యాదపూర్వకంగా చేసిన భేటీలేనని అన్నారు. ఈసారి కూడా మరి ఎందుకొచ్చారండీ తమరు అని కూడా ఎవరూ అడగలేకపోయారు. మొదటిసారి ఆజాద్ వచ్చినపుడు రాసిన రిపోర్ట్ ని చదవాలంటే ఈ కింది లింక్ ని తెరవండి.

 

http://www.teluguwishesh.com/teluguhome/30425-gulam-nabi-azad-come-hears-all-patiently-and-goes-away.html

-శ్రీజ