ప్రేమకు అర్థం చెప్పటం చాలా కష్టమని ఎప్పుడో తెలిసిపోయింది. అది ఎక్కడ పుడుతుందో, ఎందుకు పుడుతుందో తెలియదు కానీ, ఒకసారి ప్రేమంటూ మొదలైతే దాన్ని తీసివెయ్యటం చాలా కష్టమని మాత్రం అందరూ అంగీకరించారు. ప్రేమించిన వ్యక్తికి కావలసింది సమకూర్చటానికి ప్రాణాలు సైతం లెక్కచెయ్యని ఉదంతాలెన్నో గతంలో వింటూ వచ్చాం. అయితే ఈ మధ్య కాలంలోని ప్రేమ అంకిత భావానికీ త్యాగానికీ హృదయం నిండిన ఆత్మ సంతృప్తికీ కాకుండా రాక్షసత్వానికి దారితీస్తోంది. ప్రేమించిన అమ్మాయికి ఏం కావాలో తెలుసుకోకుండా, తను ప్రేమించాడు కాబట్టి ఆ అమ్మాయీ అందుకు ప్రతిగా తనను ప్రేమించితీరాలన్న పట్టుదలను పెంచి అందుకు అంగీకారం తెలపని ఆ అమ్మాయి మీద యాసిడ్ దాడి చెయ్యటం లాంటి పనులు ప్రేమ అనే పదానికే అర్థాన్ని మార్చేస్తున్నాయి!
ఈ రోజు వెలుగు చూసిన అటువంటి ఘాతుకమే కృష్ణా జిల్లాలో బంటుమిల్లి మండలం నాగన్న పేటలో సంభవించింది. పెళ్ళి చేసుకోవటానికి ఉత్సాహం చూపిస్తున్న ఒక యువకుడికి అంగీకారం తెలపలేదంతే. ఆ యువకుడు కోపంతో ఆ యువతిని కత్తితో దాడి చేసాడు. రక్తం కళ్ళ చూసిన తర్వాత కానీ వాస్తవంలోకి రాని ఆ యువకుడు భయంతో అక్కడి నుంచి పారిపోయాడు. పోలీసులు కేసుని నమోదు చేసి దర్యాప్తు చేస్తున్నారు సరే కానీ ఇదేం ప్రేమ. దాన్ని ఎవరు శోధిస్తారు?
ప్రేమ కాదిది. ప్రేమ మనసులో ఆనందాన్ని నింపుతుంది. త్యాగానికి పురికొల్పుతుంది. ప్రేమించిన వారి సుఖం కోసం హృదయం తపిస్తుంది. ప్రాణాలర్పించైనా ప్రేయసిని ఆనందింపజేయాలని ఉంటుంది. అయితే, ఆధునిక ప్రేమలో కూడా త్యాగం ఉంది. కానీ అది ఎదుటివారిలో కోరుకోవటం, ప్రాణాలు పోయినా పరవాలేదు అని ఎదుటివారి విషయంలో అనుకోవటం జరుగుతోంది. పోనీ భాషలో దీనికే వేరే పేరయినా పెట్టుకుందాం, లేకపోతే ప్రేమ అనే పదం వింటేనే భయపడే రోజులు వస్తాయి. "భార్యని ప్రేమగా చూసుకుంటున్నాడు" అని అంటే ఆ అమ్మాయి తల్లిదండ్రులు ఆదుర్దా పడే రోజులు చూస్తాం! "నేను ఒక అమ్మాయిని ప్రేమించాను నాన్నా" అంటే తండ్రి ముందు లాయర్లను సంప్రదించవలసిన రోజులు వచ్చేస్తాయి!
-శ్రీజ
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more