Posted: 12/18/2011 12:52 PM IST

టీడీపీ అనుబంధ తెలుగునాడు విధ్యార్థి సమాఖ్య (టీఎన్ఎస్ఎఫ్) టీఆర్ఎస్ లీడర్ కేటీఆర్ పై తీవ్రస్థాయిలో మండిపడింది. ‘‘కేటీఆర్ నువ్వా టీడీపిని, చంద్రబాబును విమర్శించేది. నువ్వోగొట్టం లీడర్ వి...’’ కాంట్రాక్టర్ల పార్టీగా మార్చి వ్యాపారం చేసే సంస్కృతి టీఆర్ఎస్‌ది తప్ప టీడీపీది కాదని టీఎన్ఎస్ఎఫ్ అధ్యక్షుడు నన్నూరి నర్సిరెడ్డి శనివారం ఒక ప్రకటనలో పేర్కొన్నారు. "ప్రత్యేక రాష్ట్రం అని గొంతు చించుకున్న కేసీఆర్.. సమైక్య రాష్ట్రంలోనే, అదీ ఎమ్మెల్యే కాకముందే మేనల్లుడు హరీశ్‌ను మంత్రి చేశారు. అసెంబ్లీలో ఒక్క క్షణం కూడా ఉండబోమంటూ రాజీనామా చేసిన టీఆర్ఎస్ ఎమ్మెల్యేలు.. మళ్ళీ గెలిచి.. అదే సమైక్య రాష్ట్ర స్పీకర్ సమక్షంలో ప్రమాణం చేశారు. కేసీఆర్ చచ్చుడో... తెలంగాణ వచ్చుడో అన్నారు. 700 మంది విద్యార్థులు ఆత్మ బలిదానం చేసుకున్నా.. కేసీఆర్ క్షేమంగానే ఉన్నారు. హరీశ్ పెట్రోలు పోసుకుంటారు. నిప్పేమో శ్రీకాంతాచారికి పెడతారు'' అని దుయ్యబట్టారు.