Posted: 12/04/2011 03:52 PM IST

కాంగ్రెస్‌లో, ప్రభుత్వంలో పదవుల కోసమో, పనుల కోసమో తాము అసంతృప్తి వ్యక్తం చేయడం లేదని, కేవలం గౌరవం కోసమేనని అనకాపల్లి ఎమ్మెల్యే గంటా శ్రీనివాసరావు తెలిపారు.చిరంజీవితో భేటీ అనంతరం ఆయన మీడియాతో మాట్లాడారు. చిరంజీవి మాటకు కట్టుబడి ఉంటామని పీఆర్పీ ఎమ్మెల్యేలు ఏకకంఠంతో చెప్పామన్నారు. చిరుతో ఆజాద్‌, సీఎం, బొత్సలు మాట్లాడారని తెలిపారు. సాయంత్రం మరోసారి చిరుతో భేటీ జరిగిన అనంతరం తమ నిర్ణయాన్ని వెల్లడిస్తామన్నారు. బొత్స తమను వెనుక ఉండి నడిపిస్తున్నారన్న ప్రచారంలో వాస్తవం లేదన్నారు. పీసీసీ చీఫ్‌గా మాత్రమే బొత్స తమను సంప్రదిస్తున్నారని తెలిపారు.