Posted: 12/01/2011 09:56 AM IST

ఎవరైనా తన ప్రభుత్వ ఆఫీసులలో పనులు చేయించుకోవాలంటే అధికారులకు లంచం ఇస్తారు. కానీ ఇక్కడ ఓ సామాన్య రైతు మాత్రం లంచగొండి అధికారులు లంచం అడిగితే వారికి ఇవ్వకుండా వారికి పాములతో బుద్ధి చెప్పాడు. విషయం ఏంటంటే... పాముల రక్షణ కోసం తనకు భూమిని కేటాయించాలని హక్కుల్ అనే అసామి ప్రభుత్వానికి లేఖ రాశాడు. భూకేటాయింపుకు చర్యలు తీసుకోవాలని రాష్ట్రప్రభుత్వం గతేడాదే స్థానిక అధికారులను ఆదేశించింది. అయితే ఈ విషయంలో రెవెన్యూ అధికారులు లంచాన్ని డిమాండ్ చేయడంతో ఆ వ్యక్తి తనదైన శైలిలో ‘పాముల’తో బుద్ధి చెప్పాడు.

అతను ఒకటి కాదు రెండు కాదు ఏకంగా డజను పాములను తీసుకొని వెళ్ళి ఆఫీసులో వదిలేశాడు. దీంతో సిబ్బంది పరుగులు తీశారు. ఈ సంఘటనతో హులిక్కి పడ్డ అధికారులు తనకు సంబంధించిన ఫైలు పరుగులు పెట్టిస్తున్నారు. తనకు భూమిని కేటాయించడంలో తీవ్ర జాప్యం జరిగిందని అందుకే ఇలా చేశానని అతను చెప్పాడు.