Posted: 11/24/2011 05:59 PM IST

లోకనాయక్ ఫౌండేషన్ సాహితీ పురస్కారానికి ఈ సంవత్సరం కడప జిల్లాకి చెందిన జానుమద్ది హనుమచ్ఛాస్త్రి ఎంపికయ్యారు.  26 సాహితీ గ్రంథాలను రచించిన హనుమచ్ఛాస్త్రి సిపి బ్రౌన్ గ్రంథాలయాన్ని స్థాపించి విశాఖపట్నంలో వేమన మందిరానికి అప్పగించారు.  ఈ విషయాన్ని ప్రకటించిన లోకనాయక్ ఫౌండేషన్ చైర్మన్ యార్లగడ్డ లక్ష్మీ ప్రసాద్, ఈ పురస్కారాన్ని విశాఖపట్నంలో, ఎన్టీఆర్, హరివంశరాయ్ బచ్చన్ వర్థంతుల సందర్భంగా జనవరి 18న సుప్రీం కోర్టు న్యాయమూర్తి జస్టిస్ చలమేశ్వర్ చేతులమీదుగా బహూకరించబడుతుందని తెలియజేసారు.  పోయిన సంవత్సరం జనవరి 18న మాజీ ముఖ్యమంత్రి కొణిజేటి రోశయ్య చేతుల మీదుగా ఈ పురస్కారం 85 సంవత్సరాల వయస్కుడు కడప వెంకట సుబ్బన్న శతావధానికి అందించారు.   ఆ సందర్భంలో పురస్కారంలో భాగంగా లక్షా ఇరవైఐదు వేల రూపాయలకు చెక్కుని అందించిన డాల్ఫిన్ డయరీ అప్పారావు ఈ పురస్కారాన్ని తెలుగు ఙాన్ పీఠ్ గా అభివర్ణించారు. 

లోకనాయక్ ఫౌండేషన్ సాహితీ పురస్కారాల్లో హనుమచ్ఛాస్త్రికి అందించబోయేది 8 వ వార్షిక పురస్కారం.  అంతకు ముందు వరుసగా, మాలతీ చందూర్, బోయి బీమన్న, వాసిరెడ్డి సీతాదేవి, కాళీపట్నం రామారావు, రావూరి భరద్వాజ, అవంత్స సోమసుందర్, కడప వెంకట సుబ్బన్న అందుకున్నారు.

శ్రీజ