Posted: 11/20/2011 12:59 PM IST

దక్షిణ చైనా సముద్రం విషయంలో బయటివారి జోక్యాన్ని సహించబోమని చైనా ప్రధాని వెన్‌ జియాబావో హెచ్చరించారు. ఇది అమెరికాకు చైనా విసిరిన సవాల్‌గా భావిస్తున్నారు. ఆగ్నేయాసియా దేశాల శిఖరాగ్రసభలో శుక్రవారం చైనా ఈ హెచ్చరిక చేసింది. సముద్రానికి సంబంధించి తలెత్తే ప్రాదేశిక వివాదాల్లో బయటిశక్తులు తాము జోక్యం చేసుకునేందుకు ఏ కారణాన్ని చెప్పేందుకు వీలులేదు’ అని వెన్‌ జియాబావో స్పష్టం చేశారు. దక్షిణ చైన సముద్రం ఓడలతో రద్దీగా ఉండే ప్రపంచంలోని కొన్ని ప్రాంతాల్లో ఒకటి. అందులో భారీగా చమురు, వాయు నిక్షేపాలున్నాయని అంటారు. వాటిలో తమకు వాటా ఉందని అనేక ఆగ్నేయాసియా దేశాలు వాదిస్తున్నాయి. ఆ ప్రాంత భద్రతను కాపాడేందుకు తనకు హక్కుందని అమెరికా చెప్పడం చైనాకు ఆగ్రహం కలిగించింది.