ఖర్జూరం.. ఆరోగ్యానికి దివ్యౌషధం

Posted: 07/10/2015 01:14 PM IST

అత్యధిక పోషకవిలువలు కలిగిన ఆహారపదార్థాల్లో ఖర్జూరం ఒకటి. శరీరానికి అవసరమయ్యే విటమిన్స్, మినిరల్స్, క్యాల్షియం, ఐరన్ ఎక్కువ మోతాదులో నిల్వవుంటాయి. ఇన్ని పోషకాలు నిండిన ఈ హెల్దీ ఫుడ్ రకరకాల ఆరోగ్య సమస్యల్ని నివారించడంలో సమర్థవంతంగా పనిచేస్తుంది. అంతేకాదు.. వ్యాధినిరోధక శక్తిని పెంచుతుంది. అందుకే.. దీనిని రెగ్యులర్ డైట్ లో తీసుకుంటే ఎంతో శ్రేయస్కరమని ఆరోగ్య నిపుణులు పేర్కొంటున్నారు. ఆరోగ్యానికి దివ్యౌషధంగా భావించే ఈ ఫుడ్ వల్ల కలిగే ఆరోగ్య ప్రయోజనాలేంటో తెలుసుకుందామా...

* ఖర్జూరంలో సెలీనియం, మెగ్నీషియం, కాపర్ వంటి మినిరల్స్ తోపాటు విటమిన్స్, సోలబుల్-ఇన్ సోలబుల్ ఫైబర్ కంటెంట్స్ ఎక్కువ మోతాదులో నిల్వవుంటాయి. ఇన్ని పోషకాలున్న ఈ ఫుడ్ తిన్నప్పుడు.. పొట్ట నిండుగా వున్నట్లు భావన కలుగుతుంది. ఫలితంగా ఆకలికాకుండా చేసి, ఎక్కువ తినకుండా చేస్తుంది.

* ఈ ఫుడ్ మలబద్దకంను నివారించడంలో గ్రేట్ గా సహాయపడుతుంది. ఇది బౌల్ మూమెంట్ ను స్మూత్ చేస్తుంది. ఆరోగ్యకరమైన డైజెస్టివ్ సిస్టమ్ ను కలిగి ఉంటుంది. దాంతో బరువు తగ్గడానికి సహాయపడుతుంది. రెగ్యులర్ డైట్ లో దీనిని తరుచూ తీసుకుంటే.. బరువును అదుపులో వుంచుకోవచ్చు.

* ఖర్జూరంలో నికోటిన్ ఎక్కువగా ఉంటుంది. ఇది జీర్ణక్రియ, ప్రేగు సమస్యలను నివారించడంలో దోహదపడుతుంది. ఇది పొట్టలో మంచి బ్యాక్టీరియాను పెంచి, హానికర బ్యాక్టీరియాను నాశనం చేస్తుంది. మొత్తంగా చెప్పాలంటే.. ఈ ఫుడ్ జీర్ణక్రియకు మెరుగుపరిచి, బరువు తగ్గడానికి సహాయపడుతుంది.

* ఖర్జూరంలో క్యాలరీలు తక్కువ మోతాదులో వుంటాయి. ఫ్రక్టోజ్, గ్లూకోజ్ వంటి నేచురల్ షుగర్స్ కలిగి ఉండటం వల్ల ఇది ఎనర్జీ గుణాన్ని కలిగివుంటుంది. అంటే.. ఈ పండును తీసుకున్నప్పుడు ఇది శరీరానికి తక్షణ ఎనర్జిని అందిస్తుంది.

* ఖర్జూరంలో న్యూట్రీషియన్స్ అధికంగా వుండటంతో శరీరంలో క్యాలరీలు తగ్గుముఖం పడుతాయి. తద్వారా శరీరంల పేరుకుపోయిన కొలెస్టిరాల్ క్రమక్రమంగా తగ్గుతూ వస్తుంది.. ఫలితంగా బరువు కూడా తగ్గుతూ వస్తుంది.