క్యాన్సర్ పై భావోద్వేగంతో నటి సతీమణి పోస్ట్..

Posted: 02/04/2019 07:12 PM IST

అంధాధున్, బదాయి హోలాంటి సూపర్‌హిట్ బాలీవుడ్ మూవీస్‌తో స్టార్ హీరోగా మారిన ఆయుష్మాన్ ఖురానా భార్య తాహిరా కశ్యప్ కూడా రొమ్ము క్యాన్సర్‌తో బాధపడుతున్నది. ఇప్పటికే ఆమె క్యాన్సర్ చికిత్స కూడా తీసుకుంటోంది. అయితే సోమవారం వరల్డ్ క్యాన్సర్ డే సందర్భంగా ఆమె ట్విటర్‌లో పోస్ట్ చేసిన ఓ భావోద్వేగ సందేశం క్యాన్సర్ బాధితుల్లో నైతిక స్థైర్యాన్ని నూరిపోసేలా ఉంది.

ఇవాళ నా రోజు. అందరికీ ప్రపంచ క్యాన్సర్ దినోత్సవ శుభాకాంక్షలు. మనం ఈ రోజును ఘనంగా జరుపుకోవాలి. ఈ వ్యాధిపై ఉన్న అపోహను మనం ముందు తొలగించుకోవాలి. అందుకే ఈ ఫొటోను పోస్ట్ చేస్తున్నాను. నా ఒంటిపై ఉన్న ఈ క‌త్తిగాట్లు ఓ గౌర‌వ చిహ్నంగా భావిస్తున్నాను. నేను రోగాన్ని కాకుండా దానిని ధైర్యంగా ఎదుర్కొన్న తీరును చెప్పడానికి ఈ ఫొటోను పోస్ట్ చేశాను అని తాహిరా ఓ సందేశాన్ని ట్వీట్ చేసింది. ఆమె ఈ మధ్యే లాక్మె ఫ్యాషన్ వీక్‌లో ర్యాంప్ వాక్ కూడా చేయడం విశేషం.

Today is my day!Wish you all a happy #worldcancerday with the hope to celebrate it in an embracing wayThese scars are my badges of honour. It was tough but this picture was my decision as I want to celebrate not the disease but the spirit with which I endured.@atulkasbekar pic.twitter.com/r6I5M5D3ru

— Tahira Kashyap Khurrana (@tahira_k) February 4, 2019