శాతకర్ణి ఆడియో కోసం భారీగా ఏర్పాట్లు

Posted: 12/26/2016 10:40 AM IST

సంచలనాలతో శాతకర్ణి మొదలు కాబోతుంది. తన కెరీర్ లో ప్రెస్టీజియస్ ఇప్పటికే బాలయ్య ఎక్కడా కాంప్రమైజ్ కాకుండా ఏర్పాట్లు దగ్గరుండి మరీ చూసుకున్నాడు. అనధికార సమాచారం ప్రకారం కోటి రూపాయలతో ఈ వేడుకను నిర్వహించబోతున్నట్లు తెలుస్తోంది.

వంద అడుగుల ఎల్ఈడీ బల్బ్ ను స్టేడియంలో ఏర్పాటు చేయటం, 8 వేల ఖర్చుతో రూపొందించిన స్పెషల్ డిజిటల్ ఇన్విటేషన్ మేకర్లు ఆహ్వాన పత్రికలుగా పంపటం, దేశంలోనే ఫస్ట్ టైం ఓ కొత్త రకం సౌండ్ సిస్టమ్ ను ఆడియో వేడుకలో వాడటం... ఇలా చాలా రిచ్ గా ఏర్పాటు చేసేశారు. ఇది చాలదన్నట్లు తిరుపతిలో బాలకృష్ణ బసచేసే హోటల్ నుంచి 500 కార్లు, వెయ్యి బైకులతో భారీ ర్యాలీ ఉంటుందని, లక్ష మందితో 7 కిలోమీటర్లు సాగే ఈ ర్యాలీ సింహభాగంలో బాలకృష్ణ ఉంటారని అభిమాన సంఘాలు వెల్లడించాయి.

ఎంట్రీ పాసులను వీవీఐపీలకు మాత్రమే ఇస్తున్నామని, సాధారణ అభిమానులు ఎంతమందైనా హాజరు కావచ్చని ఈవెంట్ నిర్వాహకులు ప్రకటించటంతో భారీగానే జనసందోహం హాజరయ్యే అవకాశం ఉంది. ఇక మైదానంలో జరుగుతున్న ఏర్పాట్లను తిరుపతి ఎమ్మెల్యే సుగుణమ్మతో పాటు పలువురు టీడీపీ నేతలు పరిశీలిస్తున్నారు.

ఈ వేడుకకు కేంద్ర మంత్రి వెంకయ్యనాయుడు, సీఎం చంద్రబాబుతో పాటు హేమమాలిని సహా, చిత్ర నటీనటులందరూ రానున్నారని తెలుస్తోంది. మొత్తానికి శాతకర్ణి ఆడియో వేడుకను టాలీవుడ్ చరిత్రలోనే నిలిచిపోయేలా సన్నాహాలు చేస్తున్నారు. ఈ సాయంత్రం 6.30 నిమిషాలకు తిరుపతిలో ఆడియో వేడుక ఘనంగా జరగబోతుంది.