సాఫ్ట్ జుట్టు పొందాలంటే.. ఈ చిట్కాలు పాటించాల్సిందే!

Posted: 08/13/2015 02:50 PM IST

Home remedies to get soft hair beauty tips

నల్లగా నిగనిగలాడే సాఫ్ట్ జుట్టు పొందాలని ప్రతిఒక్కరు అనుకుంటారు. కొందరికి పుట్టుకతోనే ఆ అదృష్టం లభిస్తే.. మరికొందరు మాత్రం లభించదు. పైగా.. ఈ ఆధునిక యుగంలో ఆరోగ్యకరమైన జుట్టు పొందాలంటే కష్టమే. ఎందుకంటే.. కాలుష్య వాతావరణ ప్రభావం వల్ల జుట్టు ఆరోగ్యం మరింత క్షీణించిపోతుంది. దీంతో జుట్టు సంబంధిత సమస్యలు ఇంకా పెరుగుతాయి. ఇలాంటి ఇబ్బందులను ఎదుర్కొంటున్న వాళ్లు ఆ సమస్యల నుంచి ఉపశమనం పొంది.. సాఫ్ట్ జుట్టును పొందాలనుకుంటే అందుకు అనుగుణంగా కొన్ని చిట్కాలు అందుబాటులో వున్నాయి. వాటిని రెగ్యులర్ గా పాటిస్తే.. ఆరోగ్యకరమైన సాఫ్ట్ జుట్టు మీ సొంతం. మరి.. ఆ చిట్కాలేంటో తెలుసుకుందామా..

* ఒక పాత్ర తీసుకుని అందులో గుడ్డును పగలకొట్టి బాగా గిలక్కొట్టుకోవాలి. అందులో పాలు లేదా నిమ్మరసం లేదా తేనె వేసి బాగా మిక్స్ చేసుకోవాలి. ఈ మిశ్రమాన్ని జుట్టుకు పట్టించి.. కొద్దిసేపటివరకు బాగా ఆరనివ్వాలి. ఆ తర్వాత తలస్నానం చేసుకోవాలి. ఇలా రెగ్యులర్ గా చేస్తే.. ఆయిలీ జుట్టు దూరమవుతుంది.

* పాలు.. ఇది జుట్టుకు ఒక ఉత్తమ ప్రోటీన్. జుట్టుకు కావాల్సిన ఆరోగ్యకరమైన పోషకాలు పాలలో పుష్కలంగా వుంటాయి. ఈ పాలను స్నానం చేసుకోవడానికి ముందు జుట్టుకు బాగా పట్టించి.. కాసేపు ఆరనివ్వాలి. ఆ తర్వాత స్నానం చేసుకోవాలి. ఈ పాలు జుట్టుకు ఓ మంచి హెయిర్ కు కండీషనర్ గా పనిచేస్తుంది.

* ఒక పాత్రలో అరటిపండ్లతో గుజ్జు తయారుచేసుకోవాలి. దీనిని నేరుగా జుట్టుకు పట్టించుకోవచ్చు. కానీ.. ఇందులో గుడ్డు మిక్స్ చేస్తే ఇంకా మంచిది. ఆ అరటి గుజ్జులో కొద్దిగా గుడ్డు మిక్స్ చేసి తలకు అప్లై చేసుకోవాలి. 20నిముషాల తర్వాత హెయిర్ వాష్ లేదా తలస్నానం చేసుకుంటే.. ఫలితం గమనించవచ్చు.

* ఏదైనా ఒక పాత్ర తీసుకుని అందులో కొద్దిగా పెరుగు తీసుకోవాలి. ఈ పెరుగులో కొద్దిగా పెసరపిండి, మెంతిపొడి, ఒక గుడ్డు చేర్చి బాగా కలుపుకోవాలి. ఈ మిశ్రమాన్ని తలకు పట్టించి.. ఓ గంటపాలు అలాగే ఆరనివ్వాలి. బాగా ఆరిన తర్వాత మంచి షాంపూతో తలస్నానం చేయాలి. ఇలా చేస్తే.. జుట్టు సమస్యలన్నీ తగ్గుతాయి.

* నిమ్మరసం.. దీనిని రకరకాల హెయిర్ ప్యాక్స్ లో జోడించి తలకు పట్టించుకోవచ్చు. నిమ్మరసాన్ని గుడ్డు, నూనె, పాలు లేదా తేనెలో వేసి బాగా మిక్స్ చేసుకోవాలి. ఈ మిశ్రమాన్ని తలకు పట్టించి, 30 నిముషాల వరకు ఆరనివ్వాలి. ఆ తర్వాత స్నానం చేయాలి. మిగతావాటికంటే.. ఇది ఉత్తమ ఫలితం అందిస్తుంది.