మంచి మనసే జయసుధ

Posted: 05/15/2013 05:35 PM IST

విజయ నిర్మల నటిగా గుర్తింపు పొందుతున్న సమయం అది ... ఇటు వంటి సమయం లో ఈమెకు సంబంధించిన ఎవ్వరైనా , కనీసం బీర పీచు చుట్టరికం ఉన్నా సరే , ఈమె పలుకుబడి ఉపయోగించుకుని సినిమాల్లో అవకాశాల కోసం ప్రయత్నించాలి అనుకుంటారు . కాని విజయనిర్మలకు వరుసకు కూతురు అయ్యే (విజయనిర్మల ఈమెకు పిన్ని ) జయసుధ మాత్రం , ఈమె శిఫార్సుతో పండంటి కాపురం లో నటించినా , ఇక వెయ్యబోయే అడుగులకు పునాదులు మాత్రం , నిస్సందేహంగా తాను నిర్దెసించుకున్నవే అవ్వాలని ఆసపడ్డారు ... అనుకున్నదే తడవుగా , దర్శకుల్లో ప్రత్యెక గుర్తింపు ఉన్న బాల చందర్ వద్దకు , తనకు అవకాసం ఇప్పించమని అడగటానికి వెళ్ళారు . జయసుధ కుటుంబం చెన్నై లో స్థిరపడటం వల్ల , తెలుగమ్మాయి అయినా , తమిళం అనర్గళంగా మాట్లాడే వారు ఈమె . ఇదే విషయం బాల చందర్ గారికి వివరించి , తనకు ఏ హీరోయిన్ పాత్ర కాక , తాను సరిపోతాను అనుకునే మంచి పాత్ర ఇప్పించమని అడిగారు . జయసుధగారి ఈ నిరాడంబరాటే , ఈమె 'అపూర్వ రాగంగళ్' రజనీ కాంత్ వంటి నటులతో సహా హీరోయిన్ గా తనకంటూ ప్రత్యెక గుర్తింపు ని సంపాదించుకునేలా చేసింది . ముందు తమిళం లో విజయం సాధించిన తరువాత , తెలుగులో ఎన్నో హీరోయిన్ ఒరిఎంటేడ్ చిత్రాలు , కమర్షియల్ చిత్రాలలో హీరోయిన్ గా నటించి , 'సహజ నటి' గా పేరు పొందారు జయసుధ .

తెలుగులో , అప్పట్లో సావిత్రి గారి వంటి హీరోయిన్లు కాక , తరువాతి తరం హీరోయిన్లు యన్ . టీ . ఆర్. సరసన నటించాలి అంటే కాస్త భయపదేవారనే చెప్పాలి . ఈయన అంత సీనియర్ నటులు మరి . అటువంటి ఈయన తో 'అడవి రాముడు' లో జయప్రద హీరోయిన్ కాగా , ఒక ముఖ్య పాత్ర పోషించే అవకాసం జయసుధకు ఒచ్చింది . అయితే , జయప్రదకు , జయసుధకు యన్ . టీ . ఆర్. సరసన నటించడం తొలిసారి . జయప్రద ఎంతో టెన్షన్ పడుతున్నారు . ఈ సమయం లో రాఘవేంద్రరావు గారు , షాట్ తీయడానికి యాక్షన్ చెప్పారు , యన్ . టీ . ఆర్. గురించి చెప్పేదేముంది , గుక్క తిప్పుకోకుండా తన డైలాగ్ ని చెప్పారు , తరువాత జయసుధ ఆ తరువాత జయప్రద డైలాగ్ చెప్పాలి . కాని జయసుధగారు డైలాగ్ మరచిపోవడం వల్ల 3 టెక్ ల తరువాత గాని షాట్ ఒకే కాలేదు .

షాట్ ఒకే అయిన తరువాత , గ్యాప్ లో యన్ . టీ . ఆర్. జయసుధగారిని 'డైలాగ్ ఎందుకు కావాలని మరచిపోయావ్?' అని అడిగితె , ఈ విషయం ఈయనకి ఎలా తెలిసిపోయిందబ్బా అని ముందు ఖంగు తిన్న జయసుధ , తరువాత తేరుకుని 'ఏం లేదు సార్ . మీ పక్కన నటించాలంటే జయప్రద టెన్షన్ పడుతోంది . ఈ లోపు ఒక రెండు సార్లు నా వల్ల షాట్ రీటేక్ అయితే , జయప్రద సద్దుకుంటుంది కదా అని' , అని తన ఆంతర్యం చెప్పారు జయసుధ . ఎదుటి వాళ్ళను అణగదొక్కి పైకి రావాలనుకునే పోటీ ప్రపంచం లో తోటి ఆర్టిస్ట్ కోసం ఇంతగా ఆలోచించిన మంచి మనసే జయసుధ ఈ చిత్రం తరువాత యన్ . టీ . ఆర తో వరుసగా నాలుగు సినిమాలు , రామకృష్ణులు, లాయర్ విశ్వనాథ్, కేడి నం.1, డ్రైవర్‌రాముడు, లో హీరోయిన్ గా నటించేలా చేసాయి .

'జ్యోతి' గా జయసుధ ఎంతటి అదుతమైన నటనని కనబరిచారో మనందరికీ తెలిసిందే . రాఘవేంద్రరావు గారు దర్శకుని గా నెలదొక్కుకోడానికి కూడా ఈ చిత్రం ఎంతగానో దోహద పడింది . స్టార్ హీరోయిన్ గా కంటే , ఆర్టిస్ట్ గా గుర్తింపు సంపాదించుకోవాలి అని ఈ చిత్రం చెయ్యడానికి ఒప్పుకున్న జయసుధ నటన , చిత్ర కధ , పాటలు , ఈ చిత్ర విజయానికి పునాది .

విభిన్నంగా అడుగులు వెయ్యడం , వచ్చిన ప్రతీ అవకాసం లో తన నటనని ఎలివేట్ చేసే పాత్రలు ఎంచుకుని ముందుకు సాగడం లో 'సహజ నటి' జయసుధ సరిఅయిన విజయం కోసం తపించే ఎందరో మహిళలకు స్పూర్తి .