Posted: 04/04/2013 02:37 PM IST

తెలుగుదేశం పార్టీలోని  నాయకులు  జంపు చేస్తున్న విషయం తెలిసిందే.  పార్టీ పై విమర్శలు చేస్తూ.. పార్టీ వీడి వెళ్లిపోతున్న నాయకుల సంఖ్య రోజు రోజుకి పెరిగిపోతుంది. అయితే ఇలాంటి సమయంలో   ఒక ఎమ్మెల్యే మాత్రం  నా ఊపిరి ఉన్నంతవరకూ  తెలుగుదేశం పార్టీని వీడేది లేదని బల్లగుద్ది చెబుతున్నారు. తెలుగుదేశం పార్టీ నేత చంద్రబాబునాయుడు, పార్టీ జిల్లా నాయకుల వల్లే నాకు గుర్తింపు లభించింది...రాజకీయంగా ఈ స్థాయిలో ఉన్నానంటే చంద్రబాబే కారణం.. ఊపిరి ఉన్నంతవరకూ తెలుగుదేశం పార్టీలో కొనసాగుతా..పార్టీని విడిచిపెట్టేది లేదుఅని స్థానిక ఎమ్మెల్యే కేఎస్ఎన్ఎస్ రాజు స్పష్టం చేశారు. ఆయన టీడీపీ పొలిట్‌బ్యూరో సభ్యుడు అయ్యన్నపాత్రుడుతో కలిసి స్థానిక పార్టీ కార్యాలయంలో మాట్లాడారు. తాను తెలుగుదేశం పార్టీలోనే వుంటానని, బయటకు వెళ్లేది లేదని చెప్పారు. తాను హైదరాబాద్‌లో ఉన్నందున నియోజకవర్గంలో తెలుగుదేశం పార్టీ ఆవిర్భావ దినోత్సవాన్ని నిర్వహించలేకపోయినట్టు చెప్పారు. ఇక కార్యకర్తలు, ప్రజల వ్యక్తిగత సమస్యలపైనే తాను మంత్రులు, ముఖ్యమంత్రులను కలుస్తున్నానని, ఇందులో వేరే అర్థాలకు తావులేదని ఎమ్మెల్యే రాజు స్పష్టం చేశారు.