Posted: 02/28/2013 08:00 PM IST

అధిక వడ్డీకి ఆశ చూపి ప్రజల నుండి కోట్లాది రూపాయలు వసూలు చేసిన సిమ్స్ ప్రాజెక్టు కంపెనీకి చెందిన డైరెక్టర్ కోడేదాసు జగ్గారావును గాజువాక లో పోలీసులు అదుపులోకి తీసుకొని మెట్రోపాలిటన్ న్యాయస్థానంలో హాజరు పర్చారు. ఈయన దగ్గరి నుండి కీలక సమాచారాన్ని రాబట్టినట్లు సమాచారం. జగ్గారావు విశాఖలో తాటిచెట్ల ప్రాంతంలో ఉంటున్నాడు. స్వస్థలం చోడవరం. ఒకప్పుడు సాదారణ దర్జీగా పని చేసిన జగ్గారావు సిమ్స్ లో అంచలంచెలుగా ఎదిగి డైరెక్టర్ (మార్కెటింగ్ ) స్థాయికి ఎదిగాడు. ఇతడు చెప్పిన వివరాల ప్రకారం సిమ్స్ సంస్థ 45 వేల మంది దగ్గరి నుడి 320 కోట్ల రూపాయలను సేకరించి, 350 ఎకరాలకు పైగా భూమిని కంపెనీ డైరెక్టర్ల పేర్ల పై కొనుగోలు చేశారు. దానిలో దానిలో ఎనభై ఎకరాలను విక్రయించేశారు. ఇవి కాకుండా 26 ఆస్తుల జాడ పోలీసులు గుర్తించారు. జగ్గారావు ప్రతి నెల 50 యాభై వేల జీతంతో పాటు 3 లక్షల రూపాయల కమీషన్ తీసుకుంటున్నట్లు పోలీసులు తెలిపారు. కొనమెరుపు ఏంటంటే.... జగ్గారావు కోర్టుకు వచ్చినప్పుడు కాళ్లకు చెప్పులు లేకుండా, మాసిన గెడ్డంతో, ఓ లుంగీతో దర్శనం ఇచ్చాడు.