Posted: 02/16/2013 06:15 PM IST

టెలిగ్రాం హవా పోయింది... అ వును ఇది నిజం. ఇంటర్నెట్, ఈ-మెయిల్స్, మొబైల్ ఫోన్ల సంక్షిప్త సందేశాలు రావడంతో టెలిగ్రాఫిక్ సందేశాలకు బ్రేక్ పడింది. ఒకప్పుడు జనానికి పుట్టుక నుంచి చావు వరకు, పెళ్లిళ్ల నుంచి బారసాల వరకు దూర తీరాల్లోని ఆత్మీయులు, ఆప్తులకు సందేశం వేగంగా చేరాటంటే టెలిగ్రాం ఒ కటే మార్గం. ఇప్పుడు పరిస్థి తి పూర్తిగా మా రింది. టెలిగ్రాఫిక్ వ్యవస్థ అదృశ్యమైంది. ఈ వ్యవస్థను పోస్టల్ నుంచి బీఎస్‌ఎన్‌ఎల్‌లో (టెలికంశాఖ)లో విలీనం చేశారు.గ్రామాలకు, టెలి గ్రాం తీసుకెళ్లే మెసెంజర్ల వ్యవస్థే పూర్తిగా తుడిచిపెట్టుకుపోయింది. ఇప్పటికీ టెలిగ్రాం సం దేశం పంపాలంటే ఒక పదానికి రూపాయి మా త్రమే. దేశంలో ఎక్కడ నుంచి ఎక్కడికైనా ఇదే చార్జీతో టెలిగ్రాం పంపించుకోవచ్చు. ప్రస్తు తం టెలిగ్రాం పట్టణాల్లో, నగరాల్లో అక్కడక్కడా మనుగడలో ఉండగా, పల్లెటూళ్లలో పో స్టాఫీసుల్లో ఈ వ్యవస్థ ఎత్తేయటంతో టెలిగ్రాం ఇచ్చేవారే లేరు. సంక్షిప్త సమాచారం(ఎస్‌ఎంఎస్) వినియోగం పెరగటంతో జనం దీన్ని మరచిపోయారు.