కొలెస్టిరాల్ కు చెక్ పెట్టాలంటే.. ఈ ఫుడ్స్ తీసుకోండి!

Posted: 11/18/2015 03:27 PM IST

కొలెస్టిరాల్.. ప్రస్తుత ఆధునిక యుగంలో ప్రతిఒక్కరినీ భయాందోళనకు గురిచేస్తున్న సమస్య. పోషకాహారం సరిగ్గా సమయానికి తీసుకోకపోవడం ఒక కారణమైతే.. ఫాస్ట్ పుడ్స్ ఇది పెరగడానికి మరో కారణమని వైద్య నిపుణులు చెబుతున్నారు. కాబట్టి.. ఏదిపడితే అది తినకుండా ఆరోగ్యకరమైన ఆహారాన్ని తీసుకుంటే.. కొలెస్టిరాల్ ను తగ్గించవచ్చునని నిపుణులు సూచిస్తున్నారు. మరి.. ఆ హెల్దీ ఫుడ్స్ ఏంటో తెలుసుకుందామా..

* ద్రాక్ష : ఇందులో అంతోసైనిన్స్, టానిన్స్ వంటివి పుష్కలంగా వుంటాయి. అవి కొలెస్టరాల్ నిల్వల్ని తగ్గించడంలో సమర్థవంతంగా పనిచేస్తాయి. అంతేకాదు.. ద్రాక్షలో వుంటే పొటాసియం మూలకం.. శరీరంలోని విష పదార్థాలను నిర్వీర్యం చేయడంలో తోడ్పడుతుంది.
* పుట్టగొడుగులు : వీటిలో బి,సి విటమిన్లతోపాటు క్యాల్షియం, మినరల్స్ పుష్కలంగా వుంటాయి. ఇవి కొలెస్టిరాల్ నిల్వలు తగ్గించడంలో సమర్థవంతంగా పనిచేస్తాయి.
* ఓట్ మీల్ : ఇందులో బీటాగ్లూకస్ అనే ప్రత్యేక పీచుపదార్థం వుంటుంది. స్పాంజివలే పనిచేసే ఆ పీచుపదార్థం.. కొలెస్టరాల్ ను గ్రహించి, శరీరంలో దాని శాతాన్ని తగ్గిస్తుంది.
* క్యారెట్ : దీంట్లో బీటాకెరొటీన్ అనే పోషకం వుంటుంది. ఇది కొలెస్టరాల్ నిల్వలను తగ్గించడంలో తోడ్పడుతుంది. ప్రతిరోజూ క్యారెట్ తింటుంటే శరీరంలోని కొలెస్టరాల్ నిల్వలు పదిశాతం తగ్గుతాయి.
* మిరియాలు : నల్లమిరియాలు శరీరంలోని కొలెస్టరాల్ నిల్వలు బాగా తగ్గిస్తాయి. గుండెను వ్యాధులబారి పడకుండా రక్షిస్తాయి. వీటిలోని కాప్సిసిన్ పెయిన్ కిల్లర్‌గా ఉపయోగపడుతుంది.

అంతేకాదు.. తక్కువ క్యాలరీలు వుండే ఆహారాన్ని రెగ్యులర్ గా తీసుకోవాలి. పళ్లు, కూరగాయల్లో విటమిన్లు, ఖనిజాలు, పీచుపదార్థాలు పుష్కలంగా ఉంటాయి. తాజా కూరగాయలను ఉడకబెట్టి తింటే బరువు బాగా తగ్గుతారు. అలాగే తాజా పళ్లు తిన్నా కూడా బరువు తగ్గుతారు. పళ్లు, కూరగాయల్లో సొల్యుబుల్, నాన్ సొల్యుబుల్ పీచు పదార్థాలు ఉంటాయి. ఇవి కొలెస్ట్రాల్‌ను తగ్గిస్తాయి.