ఆరోగ్యకరమైన ఫ్రూట్స్ తో కలిగే ప్రయోజనాలు

Posted: 10/03/2015 04:02 PM IST

పోషకాహారలోపం వల్ల వచ్చే ఆరోగ్య సమస్యల్ని అధిగమంచాలంటే.. ప్రకృతి సహజంగా లభించే ఫ్రూట్స్ రెగ్యులర్ గా తీసుకుంటే ఎంతో శ్రేయస్కరమని ఆరోగ్య నిపుణులు అంటున్నారు. అందులో వుండే పోషక విలువలు వ్యాధుల్ని నిర్మూలించడంతోపాటు నిత్యం ఆరోగ్యంగా వుంచుతాయి. మరి.. ఆయా ఫ్రూట్స్ లో వుండే పోషకాలేంటో.. వాటితో కలిగే ప్రయోజనాలేంటో తెలుసుకుందామా..

* కొలెస్ట్రాల్‌ను తగ్గించగల పీచుపదార్థం గంగ రేగు పళ్ళలో, యాపిల్స్‌లో ఎక్కువగా లభించగలవు. రోజుకు అవసరమైన పీచులో నలభై శాతం ఈ పండ్ల నుంచి లభిస్తుంది. పీచుపదార్థాలు ఎక్కువగా తినేవారిలో కొలెస్ట్రాల్ స్థాయి తక్కువగా ఉంటాయి.
* బొప్పాయిలోని పపెయిన్ ఎంజైమ్ జీర్ణశక్తికి బాగా సహకరిస్తుంది. ఒక కప్పు జామపండు ముక్కల్లో లభించే విటమిన్ సి రోజువారీ అవసరానికంటే ఐదు రెట్లు ఎక్కువ వుంటుంది. మధ్యస్తంగా ఉండే కమలాపండులో కంటే ఇది ఎక్కువగా ఉంటుంది.
* విటమిన్ సి అధికంగా వుండే పండ్లు తినే మహిళల్లో చర్మంపై ముడతలు వచ్చే అవకాశాలు మిగతావారికంటే తక్కువగా వుంటాయి. బ్యాక్టీరియాను ఎదుర్కొనే శక్తి కూడా లభిస్తుంది.
* బొప్పాయి, పుచ్చపండ్లలో బీటా క్రిపొక్సాంథిన్ గుణాలు ఎక్కువగా వుంటాయి. ఇవి లంగ్ క్యాన్సర్ నుంచి కాపాడతాయి. ఇతర రకాల క్యాన్సర్ల నుంచి కాపాడే లికోపెన్లు లభిస్తాయి.
* గుండెను పరిరక్షించుకోవాలంటే.. ద్రాక్ష పండ్లను తీసుకోవాలి. ద్రాక్ష, లిచీ పండ్లలో గుండెకు ఆరోగ్యాన్ని ఇచ్చే పాలిపినాల్స్ అధికంగా ఉంటాయి.
* బ్రెస్ట్ క్యాన్సర్‌కు చెక్ పెట్టాలంటే లిచీలు ఉపయుక్తమైనవి. దీనిలో యాంటీ ఆక్సిడెంట్ యాక్టివిటీ ఎక్కువగా ఉంటుంది.
* క్యాన్సర్ వంటి వ్యాధులను అరికట్టడంలో పాలిఫినాల్స్ బాగా పనిచేస్తాయి.
* రక్తపోటును తగ్గించగల పొటాషియం అత్తి, అరటిపండ్లలో లభిస్తుంది.