లెమన్ వాటర్.. ఓ దివ్యౌషధం

Posted: 08/06/2015 12:33 PM IST

నిమ్మకాయలో ఎన్నో ఔషధగుణాలు దాగివున్నాయని శాస్త్రవేత్తలు, ఆరోగ్య నిపుణులు ఎప్పుడో పరిశోధనల ద్వారా వెల్లడించారు. ఇది వంటకాల్లో రుచిని అందించడమే కాకుండా.. సౌందర్య సాధనంగా ఉపయోగపడుతుంది. అలాగే.. ఆరోగ్యానికి ఎన్నో ప్రయోజనాలు కలిగిస్తుంది. ఇందులో ముఖ్యంగా విటమిన్ సి అధిక మోతాదులో నిల్వ వుంటారు. అది వ్యాధినిరోధక శక్తిని పెంచడంతోపాటు ఇతర ప్రయోజనాలు అందిస్తుంది. అందుకే.. నిమ్మకాయను తరచూ ఏదో ఒక రూపంలో తీసుకుంటే శ్రేయస్కరమని నిపుణులు సూచిస్తున్నారు. అంటే.. నిమ్మరసం తాగడం, మజ్జిగలో నిమ్మను కలుపుకోవడం, చికెన్-మటన్ వంటి స్పైసీ ఫుడ్స్ లో నిమ్మను వాడడం.. ఇలా రకరకాల పద్ధతుల్లో తీసుకోవచ్చు. ఈ నిమ్మతో కలిగే ప్రయోజనాలేంటో తెలుసుకుందామా..

* నిమ్మరసంలో విటమిన్ సి పుష్కలంగా ఉంటుంది. ఇది శరీరంలో వ్యాధినిరోధకత పెంచడంలో గొప్పగా సహాయపడుతుంది. అలాగే ఇందులో పొటాషియం కూడా వుంటుంది. ఈ రెండూ బ్రెయిన్, నరాల జీవక్రియలను మెరుగుపరుస్తాయి. పొటాషియం శరీరంలో ఫ్రీరాడికల్స్ ను నివారించి, రక్తకణాలను ఉత్పత్తి చేస్తుంది.. బ్లడ్ ప్రెజర్ ను కంట్రోల్ చేస్తుంది. అంతేకాదు.. చర్మాన్ని క్లియర్ గా ఉంచుతుంది. యాంటీఏజింగ్ లక్షణాలను కలిగి ఉంటుంది.

* శరీరంలో ఆల్కలైన్, అసిడిక్ లక్షణాలు.. పిహెచ్ స్థాయిలు బ్యాలెన్స్ చేయడానికి ఈ నిమ్మరసం గ్రేట్ గా సహాయపడుతాయి. ఎప్పడైతే మన శరీరం అసిడిక్ ను ఎక్కువగా పొందుతుందో అప్పుడు సిక్ నెస్, డిసీజెస్ ను తగ్గిస్తుంది. అందువల్ల తరచూ వచ్చే కొన్ని రకాల జబ్బులు కంట్రోల్ చేస్తుంది.. శరీరంలో డ్యామేజ్ అరికడుతుంది.. జబ్బులతో పోరాడుతుంది.. గాయాలను మాన్పుతుంది. ఒక్కమాటలో చెప్పాలంటే.. నిమ్మరసం ఒక  పవర్ హౌస్ ఆల్కలైన్ ఫుడ్.

* ప్రతిరోజూ ఉదయాన్నేఒక గ్లాసు గోరువెచ్చని లెమన్ వాటర్ తీసుకుంటే.. బరువును తగ్గించుకోవచ్చు. ఈ రసంలో పంచదార కాకుండా తేనె మిక్స్ చేసుకుంటే మంచిది. నిమ్మరసంలో పెక్టిన్ ఫైబర్ పుష్కలంగా ఉంటుంది. ఇది మీ శరీరాన్ని తిరిగి పునరుద్దరిస్తుంది, ఆకలి నార్మల్ గా ఉంటుంది.

* అజీర్ణంతో బాధపడేవారు కాస్త నిమ్మరసం, గోరు వెచ్చని నీటిలో కలుపుకుని తాగితే అజీర్తి నుంచి ఉపశమనం పొందవచ్చు. ఇది శరీరంలోని అవాంఛిత వ్యర్థాలను తొలగిస్తుంది. శరీరంలో బైన్ ప్రొడక్షన్స్ ను ప్రోత్సహిస్తుంది. దాంతో జీర్ణక్రియ స్మూత్ గా నార్మల్ గా ఉండేందుకు సహాయపడుతుంది.