ఎండుద్రాక్ష.. ఆరోగ్యానికి ‘సురక్ష’

Posted: 04/11/2015 01:26 PM IST

Kismis fruit nutrients health benefits dangerous diseases

ఎండుద్రాక్ష (కిస్ మిస్)లో మానవ శరీరానికి కావలసిన అత్యవసరమైన పోషకాలు నిల్వవున్నాయి. వీటిని వంటకాల్లోగానీ, నేరుగాగానీ తీసుకుంటే.. ఎన్నో ఆరోగ్య ప్రయోజనాలు పొందవచ్చు. వీటిని ప్రతిరోజూ డైట్ లో తీసుకుంటే ఆరోగ్యంగా వుండవచ్చునని ఆరోగ్య నిపుణులు సైతం సూచిస్తున్నారు. కాబట్టి.. ఈ కిస్ మిస్ ఎంత ఎక్కువగా తింటే.. ఆరోగ్యానికి అంతే మంచిది. మరి.. ఈ ఎండుద్రాక్షలో వున్న పోషకాలు ఏంటో..? వాటి వల్ల కలిగే ప్రయోజనాలేంటో తెలుసుకుందామా..

* రక్తంలోని హిమోగ్లోబిన్ స్థాయిని పెంచడంలో కిస్ మిస్ పండ్లు ఎంతో సహకరిస్తాయి. దీంతో రక్తహీనత సమస్యకు చెక్ పెట్టవచ్చు. అలాగే.. ఎండు ద్రాక్షల్లోని ధాతువులు రక్తంలోని రక్తకణాలను పెంచుతాయి. పచ్చకామెర్ల వ్యాధిగ్రస్థులు రోజూ రెండు పూటలా ఎండుద్రాక్షలను తీసుకుంటే.. ఆ సమస్య నుంచి త్వరగా ఉపశమనం పొందవచ్చునిని వైద్యులు చెబుతున్నారు.

* గొంతురాసినట్లుగా అనిపిస్తే.. రాత్రి నిద్రపోవడానికి ముందు 20 ఎండు ద్రాక్షలను తీసుకుని ఆవుపాలలో వేసి మరిగించాలి. కొద్దిసేపు తర్వాత అందులో 10 మిరియాలు చేర్చి మళ్లీ మరిగించాలి. ఇలా తయారుచేసుకున్న ఈ మిశ్రమాన్ని తాగితే.. గొంతు సమస్య నుంచి వెంటనే ఉపశమనం లభిస్తుంది.

* నెలసరి సమయాల్లో ఏర్పడే నొప్పిని తగ్గించాలంటే.. ముందుగా ఒక పాత్రలో 20 ద్రాక్షపండ్లను తీసుకుని, రెండు గ్లాసుల నీరు, సోపు గింజలు, ఒక టీ స్పూన్ చేర్చాలి. ఈ మొత్తాన్ని కషాయంలా తయారు చేసి తాగాలి. ఇలా మూడు రోజులు రెండు పూటలా తీసుకుంటే నొప్పుల నుంచి ఉపశమనం పొందవచ్చు.

* ఎండుద్రాక్షల్ని గోరువెచ్చని నీటిలో అరగంట పాటు నానబెట్టి పరగడుపున తీసుకుంటే.. నెలసరి సమస్యలు దరిచేరవు. హృద్రోగ సమస్యలను దూరం చేసుకోవచ్చు.

* ఎండుద్రాక్షల్లో క్యాల్షియం అధిక మోతాదులో నిల్వ వుంటుంది. ఇది ఎముకలకు బలాన్ని, దంతాల పటిష్టతకు సహాయపడతుంది.

* పిల్లలకు ఇచ్చే పాలను మరిగించేటప్పుడు.. అందులో 2 ఎండుద్రాక్షలు వేసి వడగట్టి తాగిస్తే దేహపుష్ఠి చేకూరుతుంది.

* 50 ఎండుద్రాక్షల్ని శుభ్రం చేసి ఆవుపాలలో వేసి మరిగించాలి. కొద్దిసేపు ఆరిన తర్వాత ఆ ద్రాక్షలను తీసుకుని, పాలను సేవిస్తే అజీర్తి సమస్యలు ఉండవు.