మన దైనందిన జీవితంలో నిత్యం చేస్తున్న కార్యకలాపాల వల్ల మానసిక ఒత్తిడి కలగడం సహజం. ఉద్యోగస్తులు అయితే.. ప్రతిరోజు ఆఫీసుకు వెళ్లడం వల్ల ఎంతో మానసిక ఒత్తిడికి గురవుతున్నామని వాపోతున్నారు. ఇలా ప్రతి 10 మందిలో 6 మంది వరకు దీని ప్రభావానికి గురవుతున్నారు.
ఆఫీసులలో ఇచ్చే పనిభారం, ఇంట్లో చేసే కార్యకలాపాల ఎక్కువయినప్పుడు మానసిక ఒత్తిడి ఏర్పడుతుంది. దీనివల్ల వారు ఆఫీసుకు విధులకు హాజరుకాకుండా తప్పించుకుంటూ తిరుగుతారు. లేదా మద్యపానానికి బానిసలవుతారు. ఈ మానసిక ఒత్తిడి మానసికంగానే కాకుండా శారీరకంగా ప్రభావాన్ని చూపుతుంది. దీంతో వారు ఇరిటేషన్ కు గురై, కోపగ్రస్తులుగా మారుతారు.
అసలు మానసిక ఒత్తిడి అంటే ఏమిటి? సాధారణంగా మనం విధుల నిర్వహణలో అనేక రకాలైన సమస్యలను, క్లిష్టపరిస్థితులను, టార్గెట్స్ వంటి బాధ్యతలను ఎదుర్కొంటూ వుంటాం. సాధ్యమైనంతవరకు వీటిని మనం జయించగలం కూడా!
కానీ ఇవి మనస్థాయికి దాటిపోయినప్పుడు మనం మానసిక, భావోద్వేగాలకు గురవుతాం. దీన్నే మానసిక ఒత్తిడి అంటారు. అయితే ఇది ఒక్కొక్క మనిషిలో ఒక్కొక్క రకంగా వుంటుంది. కొందరు ఇటువంటి ఒత్తిడికి గురైనప్పుడు చాలావరకు ఇతరులమీద కోప్పడకుండా తమనుతాము అదుపు చేసుకోవడానికి ప్రయత్నిస్తారు. మరికొందరైతే భయంకరంగా వ్యవహరిస్తారు.
ఇది అనేక ప్రమాదాలకు దారితీస్తుంది. మనకు దగ్గరగా వున్న బంధుత్వాలు (కోలీగ్స్, ఫ్రెండ్స్, బంధువులు) తెగిపోయే అవకాశాలు కూడా వుంటాయి. కాబట్టి ఇటువంటి పరిస్థితులు ఏర్పడకుండా కొన్ని మార్గాలను అనుసరిస్తే.. మనం ఒత్తిడి నుండి ఉపశమనం పొందే అవకాశం వుందని అంటున్నారు నిపుణులు.
మీరు చేస్తున్న పని మీకు భారంగా అనిపించినప్పుడు మీలో మానసిక ఒత్తిడి ఏర్పడిందని సంకేతం. దీంతో మీరు పని మీద నిరాశ చెందడం, దాని మీద ధ్యాస లేకపోవడం జరుగుతుంది. దీంతో మీరు మీ పనిమీదే కాకుండా మీ ఏకాగ్రతను కూడా కోల్పోతారు. దీంతో మీకు తలనొప్పి, హైబీపీ వంటి ఆరోగ్య సమస్యలు తలెత్తే ప్రమాదం వుంది.
శాస్త్రజ్ఞుల ప్రకారం.. మన శరీరంలో ఒత్తిడి ఎప్పుడైతే ఏర్పడుతుందో వెంటనే దానికి సంబంధించిన ర్యాడికల్స్ అధిక సంఖ్యలో తయారు అయిపోతాయి. ఇవి మన శరీరంలో జరిగే జీవనక్రియకు నెగెటివ్ గా పనిచేస్తాయి. దీంతో నాడీవ్యవస్థ దెబ్బతినే ప్రమాదం కూడా వుంటుంది. కాబట్టి మీకు మీరే పనిభారాన్ని గుర్తించి, ఒత్తిడికి గురికాకుండా చూసుకుంటే చాలామంచిది.
చాలావరకు ప్రతిఒక్కరూ ఆరోగ్యపరంగా అన్ని జాగ్రత్తలు తీసుకుంటారు. సమయానికి ఆహారం తీసుకోవడం, పనులకు వెళ్లేటప్పుడు సమయాన్ని కేటాయించడం జరుగుతుంది. కానీ విశ్రాంతి గురించి అస్సలు పట్టించుకోరు.
శరీరానికి విశ్రాంతి చాలా అవసరం. ప్రస్తుత కాలంలో అయితే పగలు, రాత్రికి తేడాలేకుండా పనులు చేస్తుంటారు. అయితే ఇది ఎంతమాత్రం మంచిది కాదంటున్నారు నిపుణులు. మనం మెదడుకు కనీసం 8 గంటలవరకైనా విశ్రాంతినివ్వాలని చెబుతున్నారు.
అదేవిధంగా ప్రతిరోజు బ్రేక్ ఫాస్ట్ తీసుకోవడం చాలామంచిదంటున్నారు. దీంతో మెదడు కూడా చాలా చురుకుగా పనిచేస్తుందని వారు సలహాలు ఇస్తున్నారు.
మనం చేసే దైనందిన పనిలో పెద్దగా తేడా ఏమీ వుండదు. కాబట్టి ఏ పనిని ఎప్పుడు చేసుకోవాలి, ఎలా చేసుకోవాలి అనే ప్రణాళికను సిద్ధం చేసుకుంటే మంచిది.
ప్రతిరోజూ ఉదయాన్నే కనీసం గంటవరకు వ్యాయామం చేస్తే మంచిది. దీంతో మనం ఆరోగ్యవంతంగా వుండగలం. శారీరకంగా కూడా ఎటువంటి ఒత్తిడి వుండదు.
అలాగే మనం పనిచేస్తున్న ప్రాంతాలలో వీలైనంతవరకు అందరితో స్నేహాపూర్వకంగా వుండాలి. అలా వుండడం వల్ల వారు మన పనులలో చేయూతనందిస్తారు. వీలైనంతవరకు మనలో కమ్యూనికేషన్ స్కిల్స్ ను పెంచుకోవాలి.
ఆఖరిగా ముఖ్యమైంది సమయం. దీనిని సమర్థవంతంగా పాటిస్తే చాలావరకు మీ పని ఒత్తిడిని తగ్గించుకోవచ్చనంటున్నారు నిపుణులు.
(And get your daily news straight to your inbox)
Jun 13 | మానవ జీవితంలో అత్యంత ముఖ్యమైన దశ టీనేజ్. ఈ యుక్తవయస్సులో భవిష్యత్తు కార్యాచరణకు అవసరమయ్యే అన్ని సౌకర్యాలను కల్పించుకోవచ్చు. విందు - వినోదాలతోపాటు ప్రపంచ విజ్ఞానాన్ని సంపాదించుకోవడానికి వీలుగా వుండే ఈ వయస్సు... ప్రతి... Read more
May 06 | ప్రతిఒక్కరూ తమ జీవితంలో ఏదోఒకటి సాధించాలని అనుకుంటూ వుంటారు. తమ కెరీర్ తామే ముందుకు కొనసాగించాలనుకుంటారు. ఇతరులమీద ఆధారపడకుండా తమ సొంత ప్రణాళికలతో జీవన విధానాన్ని కొనసాగించాలని అనుకుంటారు. సొంతంగా వ్యాపారాలు లేదా పెట్టుబడులను... Read more
Apr 24 | ప్రస్తుతకాలంలో కార్పొరేట్ సంస్థల హవా చాలా జోరుగా సాగుతోంది. ప్రతిఒక్కరు ఇటువంటి పెద్ద కార్పొరేట్ కంపెనీలలో పనిచేయడానికి ఎక్కువ మక్కువ చూపుతారు. ముందుగా మహిళలు ఇటువంటి వ్యవహారాలలో చాలా ముందున్నారు. మగవారికి ధీటుగా ఆడవాళ్లు... Read more
Apr 22 | కొంతమంది యువకులు జీవితంలో ఏదో సాధించాలనే నెపంతో ముందుకు నడుస్తుంటారు. మరికొందరు జీవితంలో ఏది దొరికితే దానితోనే సంతృప్తిని పొందుతుంటారు. మరికొందరు విభిన్నంగా చేస్తున్న పనిలోను, ఉద్యోగంలోను ఒక మంచి ఉన్నత స్థానాన్ని పొందాలని... Read more
Apr 10 | ప్రస్తుతకాలంలో మహిళలు కూడా మగవారికి సమానంగానే గట్టిపోటీని ఇస్తున్నారు. వారు కూడా మగవారిలాగా ఆఫీసు పనులలో నిమగ్నమై విజయాలను సాధిస్తున్నారు. అయితే ఈ క్రమంలోనే ఆఫీసు పని ఎక్కువగా వుండటం వల్ల తమ వ్యక్తిగత... Read more