‘శుభలగ్నం’ రోజుల్ని గుర్తుచేసుకున్న జగపతి

Posted: 08/13/2015 07:05 PM IST

Jagapathi babu remembered shubhalagnam movie days after success of srimanthudu

హీరోగా ఎన్నో చిత్రాల్లో నటించి మంచి గుర్తింపు సాధించిన జగపతి బాబు.. ఇప్పుడు క్యారెక్టర్ ఆర్టిస్ట్‌గా తన రెండో ఇన్నింగ్స్ కొనసాగిస్తున్నారు. ‘లెజెండ్’ సినిమాలో విలన్ గా నటించిన ఈయనకు ఒక్కసారిగా భారీ క్రేజ్ వచ్చిపడింది. ఆ సినిమాలో ఈయన నటనకు మంచి మార్కులు పడటంతోపాటు విమర్శకుల ప్రశంసలు అందాయి. ఇక అప్పటినుంచి ఈయనకు వరుసగా ఆఫర్లు రావడం మొదలయ్యాయి. అటు తమిళనాడు నుంచి కూడా ఈయనకు అవకాశాలు వస్తున్నాయి. క్యారెక్టర్ ఆర్టిస్ట్ గా ఇప్పటివరకు ఈయన నటించిన పలు సినిమాల్లో ఆయన పాత్రలు యాడెడ్ అడ్వాంటేజ్ గా నిలిచాయి. ఇక తాజాగా వచ్చిన ‘శ్రీమంతుడు’ సినిమాలోనూ మహేష్ కి తండ్రిగా నటించిన జగపతికి ప్రశంసల వెల్లువ కురుస్తోంది.

తండ్రి-కొడుకుల బంధం ఓ బలమైన సబ్‌ప్లాట్‌లో ఉన్న ‘శ్రీమంతుడు’ చిత్రంలో జగపతి బాబు పాత్ర బాగా ఆకట్టుకుంటుందని, ఆయన క్యారెక్టర్ సినిమాకి మరింత ప్లస్ పాయింట్ తీసుకొచ్చిందని సినీవర్గాల్లో చెప్పుకుంటున్నారు. తనకు ఈ విధంగా మంచి కాంప్లిమెంట్స్ రావడంతో జగపతి సంతోషం వ్యక్తం చేస్తున్నారు. సినిమా ఇంతపెద్ద విజయం సాధించడం పట్ల చాలా తనకు చాలా సంతోషంగా వుందని ఆయన తెలిపారు. తాను హీరోగా నటించిన ‘శుభలగ్నం’ సినిమాకు వర్షాకాలంలోనూ ఫ్యామిలో ఆడియన్స్ బ్రహ్మ్రరథం పట్టారని, ఈ సినిమాకు అంతకుమించి ఫ్యామిలీ ఆడియన్స్ థియేటర్లకు రావడం చూశాక ఆ రోజులు గుర్తొస్తున్నాయని తెలిపారు. ఈ సినిమాలో మహేష్ కు తండ్రిగా నటించినందుకు తనకు ఆనందంగా వుందని ఆయన పేర్కొన్నారు.

ఇక సినిమా విషయానికి వస్తే.. మొదటి షో నుంచే హిట్ టాక్ సొంతం చేసుకున్న ఈ చిత్రం, బాక్సాఫీస్ వద్ద కలెక్షన్ల వర్షం కురిపిస్తోంది. ఈ సందర్భంగా ఏర్పాటు చేసిన సక్సెస్ మీట్‌లో జగపతి బాబు పాల్గొని తన ఆనందాన్ని పంచుకున్నారు. ఈ శృతి హాసన్ హీరోయిన్‌గా నటించింది.

AS