‘చుట్టాలబ్బాయి’కి టైమ్ దగ్గరపడింది...

Posted: 08/04/2015 03:31 PM IST

‘ప్రేమకావాలి’తో డెబ్యూ విజయాన్ని అందుకున్న సాయికుమార్ తనయుడు ఆది.. ఆ తర్వాత ‘లవ్ లీ’ అనే మరో ప్రేమకథాచిత్రంతో విజయం సాధించాడు. దీంతో లవర్ బాయ్ పేరొందిన ఈ హీరోకి ఆ తర్వాత వరుస పరాజయాలు ఎదురయ్యాయి. దీంతో మళ్లీ ‘గాలిపటం’లాంటి లవ్ స్టోరీతో ప్రేక్షకుల ముందుకొచ్చి మళ్లీ జయకేతనాన్ని ఎగురవేశాడు. ఆ చిత్రం హిట్ అవ్వడంతో ఈ యంగ్ హీరోకి వరుసగా ఆఫర్లు వస్తున్నాయి. ఇప్పటికే ‘గరం’ సినిమా షూటింగ్ లో ఫుల్ బిజీగా వున్న ఈ హీరో తదుపరి చిత్రం కూడా షూటింగ్ కు సిద్ధం అవుతోందని సమాచారం.

‘అహ నా పెళ్ళంట’, ‘పూల రంగడు’ సినిమాలతో కామెడీ సినిమా దర్శకుడిగా మంచి పేరు తెచ్చుకున్న వీరభద్రం.. మూడో సినిమా ‘భాయ్’తో పరాజయం ఎదుర్కొన్నాడు. దీంతో కొన్నాళ్లపాటు ఇండస్ట్రీకి గ్యాప్ తీసుకున్న ఈయన.. తాజాగా ఆయన లవర్ బాయ్ ఆదితో కలిశాడు. వీరిద్దరి కాంబోలో ‘చుట్టాలబ్బాయ్’ పేరుతో ఓ సినిమా రాబోతోంది. గత నెలలోనే ఈ సినిమాకు సంబంధించిన పూజా కార్యక్రమాలు కూడా పూర్తయ్యాయి. ప్రస్తుతం ప్రీ ప్రొడక్షన్ కార్యక్రమాలు చివరిదశకు చేరుకున్నాయి. ఈ క్రమంలోనే ఈ సినిమా యూనిట్ మరిన్ని విషయాలను తెలియజేసింది. కామెడీ కమ్ ఫ్యామిలీ ఎంటర్‌టైనర్‌గా తెరకెక్కనున్న ఈ సినిమాను ఈ నెలాఖర్లోనే సెట్స్‌పైకి తీసుకెళ్ళనున్నట్లు నిర్మాత వెంకట్ తెలిపారు. మేజర్ షూటింగ్ వచ్చే నెలలో జరగనున్నట్లు సమాచారం. ఇక ఈ సినిమాలో ఆది సరసన ప్రణీత హీరోయిన్‌గా నటిస్తోంది.

ఇదిలావుండగా.. గతకొన్నాళ్ల నుంచి ఓ సాలిడ్ హిట్ కోసం ఎదురుచూస్తున్న ఆది.. ప్రస్తుతం నటిస్తున్న ‘గరమ్’ సినిమాతోపాటు ‘చుట్టలబ్బాయ్’ చిత్రంపై చాలా ఆశలు పెట్టుకున్నాడు. ఒకటి యాక్షన్, మరొకటి ఫ్యామిలీ నేపథ్యంలో తెరకెక్కుతున్న సినిమాలు కాబట్టి.. ఈ రెండు అతని కెరీర్ కి చాలా హెల్ప్ అవుతాయని భావిస్తున్నాడు. అటు.. కేవలం సెకండ్ హీరోయిన్ గా టాలీవుడ్ లో కొనసాగుతున్న ప్రణీత కూడా.. ఈ సినిమాపై చాలా ఆశలు పెట్టుకుంది. హీరోయిన్ గా మరిన్ని అవకాశాలొస్తాయని ఆమె ఆశిస్తున్నట్లు తెలుస్తోంది.

AS