పరుగులు పెట్టనున్న క్రేజీ కాంబినేషన్

Posted: 05/07/2015 01:11 PM IST

‘దోచేయ్’ సినిమాతో డీసెంట్ విజయాన్ని అందుకున్న అక్కినేని నాగచైతన్య.. ఈ సినిమా సక్సెస్ అవడంతో అతడు చాలా హ్యాపీగా ఫీల్ అవుతున్నాడు. పైగా.. సినిమా బాక్సాఫీస్ దగ్గర మంచి కలెక్షన్లను రాబడుతోంది. ఇక ఈ చిత్రం తర్వాత చైతూ తదుపరి చిత్రంపై గతకొన్నాళ్ల నుంచి కన్ఫ్యూజన్ నెలకొని వుండేది. నాగ చైతన్య తన తదుపరి సినిమా ‘కార్తికేయ’ సినిమాతో పరిచయమైన చందు మొండేటి తో సైన్ చేసిన విషయం తెలిసిందే! కానీ దీనికంటే ముందు నాగ చైతన్యకి ఫస్ట్ సక్సెస్ ఇచ్చిన గౌతమ్ వాసుదేవ్ మీనన్ డైరెక్షన్ లో ఓ సినిమా ఉంటుందని వార్తలొచ్చాయి. ఇప్పుడీ కన్ఫ్యూజన్ తొలిగిపోయింది. చైతూ నెక్ట్స్ ప్రాజెక్ట్ ఏంటో రివీల్ అయింది.

నాగ చైతన్య గౌతమ్ మీనన్ డైరెక్షన్ లో తన తాజా ప్రాజెక్ట్ స్టార్ట్ చేయనున్నాడని సమాచారం! వీరిద్దరి సినిమా (శుక్రవారం) నుంచి చెన్నైలో మొదలు పెట్టనున్నారు. అలాగే ఈ సినిమాలో ఎక్కువ భాగాన్ని చెన్నై లోనే షూట్ చేస్తారు. ఈ మూవీ ఫస్ట్ షెడ్యూల్ కంటిన్యూగా 45 రోజులపాటు జరగనుంది. ‘ఏ మాయ చేసావే’ సినిమా తర్వాత వీరిద్దరి కాంబినేషన్ లో వస్తున్న సినిమా కావడంతో అక్కినేని అభిమానుల్లో ఎంతో ఆసక్తి నెలకొంది. ఈ సినిమాకి ఎఆర్ రెహమాన్ మ్యూజిక్ అందించనున్నాడు. ఈ సినిమా కోసం కొత్త హీరోయిన్ ని అన్వేషిస్తున్నారు. ఈ సినిమా మొదలైన కొద్ది రోజులకి అన్నపూర్ణ స్టూడియోస్ బ్యానర్ పై నిర్మించే చైతన్య – చందు సినిమా మొదలవుతుంది.