రజనీ ఆ ‘కొత్త’ ప్రయోగం చేస్తాడా? లేదా?

Posted: 05/04/2015 07:42 PM IST

Rajnikanth latest experiment young director ranjith shankar murugadoss

రజనీకాంత్ పేరు వినిపిస్తే చాలు.. ఇండియన్ ఇండస్ట్రీలోనే ఓ సరికొత్త కల వచ్చేస్తుంది. ఎందుకంటే.. ఆయన నటించే ప్రతి సినిమాలోనూ ఏదో ఒక ప్రత్యేక వుంటుంది. అంతేకాదు.. ఆయన కూడా ఆ సినిమాకు తగ్గట్టుగానే ఎంతో స్టైలిష్ గా, చాలా యంగ్ గా కనువిందు చేస్తారు. అందుకే.. ఈయన సినిమా వస్తోందంటే ప్రేక్షకులు వెయ్యికళ్లతో ఎదురుచూస్తారు. కొందరైతే ఉత్సవాలు జరుపుకుంటారు కూడా! ఇంతటి అభిమానాన్ని సొంతం చేసుకున్న ఈయన కెరీర్లో రెండు సినిమాలు దురదృష్టాన్ని తెచ్చిపెట్టాయి. అప్పటివరకు ఈయనకున్న ఇమేజ్ ని ఆ మూవీలు కాస్త దెబ్బతీశాయి. దీంతో తీవ్ర అసంతృప్తిలో వున్న ఈయన.. తన తదుపరి మూవీ విషయంలో చాలా జాగ్రత్తలు పాటిస్తున్నారు.

ఈ క్రమంలోనే రజనీ ఓ సరికొత్త, ఆకర్షణీయమైన స్టోరీతో ప్రేక్షకుల ముందుకొచ్చేందుకు ప్రణాళికలు చేసుకుంటున్నారని సమాచారం! అందుకు ఈయన ‘రంజిత్’ అనే ఓ యువదర్శకుడితో సినిమా చేయనున్నట్లు వార్తలొస్తున్నాయి. గతంలో రంజిత్ తెరకెక్కించిన కథాంశాలు కొత్తగా వుండటంతో ప్రేక్షకుల నుంచి ఇతనికి మంచి మార్కులే లభించాయి. దీంతో క్రియేటివ్ డైరెక్టర్ గా పేరుతెచ్చుకున్న రంజిత్ దర్శకత్వంలో రజనీ సినిమా చేసేందుకు ఆసక్తి చూపుతున్నాడని అంటున్నారు. ఈ సినిమాకి మల్లన్న మూవీని నిర్మించిన కళైపులి థాను నిర్మాతగా వ్యవహరిస్తారని చెప్పుకుంటున్నారు. అయితే.. ప్రస్తుతమున్న సమయంలో రజనీ అటువంటి ప్రయోగాలకి జోలికి వెళ్లాడని అభిప్రాయాలు కూడా వినిపిస్తున్నాయి.

రజనీ సాధ్యమైనంతవరకు శంకర్ తో లేదా మురుగదాస్ తో సినిమా చేయొచ్చని అంటున్నారు. కొత్త దర్శకుడితో ప్రయోగం చేయడంకంటే సక్సెస్ లభించే వారితోనే సినిమా చేస్తే డీలా పడిన తన ఇమేజ్ ని మళ్లీ పుంజుకోవచ్చన్న ఉద్దేశంతో ఆ పెద్ద దర్శకులవైపు రజనీ ఆసక్తి చూపుతున్నారనే ప్రచారం వుంది. అయితే.. ఆ ఇద్దరు పెద్ద డైరెక్టర్లు తమ సినిమాకోసం ఎక్కువ సమయం కేటాయిస్తారు కాబట్టి.. అప్పటివరకు రజనీ పరాజయం పలకరింపు వెంటాడుతూనే వుంటుందని, దానికంటే కొత్తదనం కలిగిన రంజిత్ సినిమాను చేయడమే మంచిదనే నిర్ణయానికి రజినీ వచ్చినట్లు చెబుతున్నారు. మరి.. ఈ విషయంలో స్పష్టత రావాలంటే.. రజనీయే తన తదుపరి మూవీపై స్పందించాల్సి వుంటుందని అంటున్నారు.