‘రెబెల్ హార్ట్’ కోసం ప్రపంచదేశాలు తిరుగుతున్న మడోన్నా

Posted: 03/03/2015 01:24 PM IST

Madonna rebel heart songs album world tour

ప్రపంచ ప్రఖ్యాతిగాంచిన పాప్ గాయని మడోన్నా.. ‘రెబెల్ హార్ట్’ కోసం ప్రపంచదేశాల్లో చక్కర్లు కొట్టేందుకు సిద్ధమవుతోంది. ఈమె ఈ ప్రపంచ టూర్ కోసం ఓ సంస్థ భారీ మొత్తంలో ఖర్చు పెట్టేందుకు ముందుకు వచ్చిందని సమాచారం! ఇంతకీ ‘రెబెల్ హార్ట్’ అంటే ఏంటి..? మడొన్నా ఎందుకు చక్కర్లు కొడుతోంది..? అని అనుకుంటున్నారా..!

వివరాల్లోకి వెళ్తే.. పాప్ సింగర్ మడోన్నా తాజాగా 'రెబల్ హార్ట్' పేరిట ఓ ఆల్బమ్ ను రూపొందించింది. ఈ ఆల్బమ్ ను ప్రమోట్ చేసుకోవడం కోసమే ఈ అమ్మడు ప్రపంచంలోని పలు దేశాల్లో చక్కర్లు కొట్టనుంది. ఆగస్టు నుంచి ప్రారంభం కానున్న ఈ ప్రమోట్ కార్యక్రమం.. డిసెంబర్ వరకు కొనసాగుతుంది. ఈ కార్యక్రమాలకు ఎప్పటిలాగే ‘లివ్ నేషన్ గ్లోబల్ టూరింగ్ డివిజన్’ అనే సంస్థ నిర్మాతగా వ్యవహరించనుంది. ఈ నిర్మాణ సంస్థ త్వరలోనే ఈ ఆల్బమ్ కు సంబంధించిన మరిన్ని వివరాలను అధికారికంగా వెల్లడించనుంది.

ప్రస్తుతం అందిన ప్రాథమిక సమాచారం ప్రకారం.. మొట్టమొదటి ప్రమోట్ షో మియామిలోని అమెరికన్ ఎయిర్లైన్స్ ఎరేనాలో ప్రారంభం కానున్నాయి. అక్కడ ఆగస్టు 29న ప్రారంభమై అక్టోబర్ వరకు వరుసగా 25 నుంచి 30 షోలు కొనసాగనున్నాయి. అనంతరం యూరప్లో 20 నుంచి 25 షోలు మడోన్నా ప్రదర్శన ఇవ్వనుంది. ఆ తర్వాత ఆసియా, ఆస్ట్రేలియాలో ఈ ప్రమోట్ కార్యక్రమాలు జరగనున్నాయి.