బాబోయ్.. 24వ బాండ్ లో ఆ సీన్లు ఎక్కువేనట!

Posted: 09/18/2014 03:40 PM IST

Another movie shooting starts of bond series from december

బాండ్ సిరీస్ లో ఇదివరకే వచ్చిన 23 సినిమాలు ప్రపంచవ్యాప్తంగా ఎన్ని సంచలనాలను సృష్టించాయో అందరికీ తెలిసిందే! భారీ బడ్జెట్ తో నిర్మించిన ఆ సినిమాల్లో ఏవిధంగా అయితే యాక్షన్ సన్నివేశాలు అందరినీ ఆశ్చర్యపరుస్తాయో.. అదేవిధంగా శృంగార సన్నివేశాలు కూడా అందరి మతులను పోగొడుతూ వచ్చాయి. ఈ బాండ్ సిరీస్ లో యాక్షన్ సీన్లు తక్కువైతే అవ్వొచ్చుగానీ.. శృంగార సన్నివేశాలను మాత్రం ఎట్టి పరిస్థితుల్లోనూ తీసేయరు. ప్రేక్షకులు పూర్తిగా కనులపండుగ చేసుకునేవిధంగా ఈ సినిమాల్లో ఆ బెడ్ రూమ్ సన్నివేశాలను బాగానే తెరకెక్కించేశారు. ఇంకొక ముఖ్యమైన విషయం ఏమిటంటే... ఆ హాట్ సన్నివేశాలే ఈ సినిమాకు ప్రధానపాత్ర పోషిస్తాయి.

ఇదిలావుండగా.. తాజాగా ఈ బాండ్ సిరీస్ లో మరో కొత్త చిత్రం ప్రారంభానికి సిద్ధమవుతోంది. ఈ గూఢచారి చిత్రపరంపరలో 24వ సినిమా చిత్రీకరణను ఈనెల 6వ తేదీ నుంచి ప్రారంభించనున్నారు. ఈ సినిమాలో డేనియల్ క్రేగ్ వరుసగా నాలుగోసారి బాండ్ గానే కనిపించనున్నాడు. గతంలో రిలీజైన్ ‘‘స్కైఫాల్’’ మూవీ దర్శకుడు శామ్ మెండిస్ దీనికీ దర్శకునిగా వ్యవహరించనున్నాడు. ఎంజీఎం, సోనీ సంస్థలతో కలిసి మైకేల్ జి.విల్సన్, బార్బరా బ్రొకొల్లి ఈ చిత్రాన్ని సంయుక్తంగా నిర్మిస్తున్నారు. వచ్చే ఏడాది అక్టోబర్ 23న, నవంబర్ 6న అమెరికాలోనూ ఈ చిత్రాన్ని విడుదల చేసేందేందుకు నిర్మాతలు సన్నాహాలు చేస్తున్నారు. ఇకపోతే.. ఈ సినిమాలో కూడా శృంగారసన్నివేశాలు ఓ రేంజిలో వుంటాయని దర్శకనిర్మాతలు పేర్కొంటున్నారు. గతంలోలాగా కంటే ఎక్కువగా యాక్షన్ సన్నివేశాలను జోడించడంతోపాటు... భారీతారాగణం ఇందులో వుంటారని.. ముఖ్యంగా అమ్మాయిల పాత్రలు ఎక్కువగా వుంటాయని తెలుపుతున్నారు. మొత్తానికి ఈసారి జేమ్స్ బాండ్ యాక్షన్ తోపాటు హాట్ సన్నివేశాలను బాగానే పండించనున్నాడన్నమాట!