మణిరత్నం నుండి తప్పించుకున్న ఐశ్వర్యరాయ్

Posted: 03/19/2014 11:45 AM IST

బాలీవుడ్ నటి  ఐశ్వర్యరాయ్  ప్రముఖ దర్శకుడు  మణిరత్నం నుండి తప్పించుకుంది.  అంటే మరోలా అనుకోకండి..  ఇటీవల దర్శకుడు మణిరత్నం, మహేష్ -నాగార్జున లతో ఓ భారీ  మల్టీ  స్టారర్ ను ప్లాన్చేస్తున్న సంగతి తెలిసిందే. ఈ చిత్రంలో హీరోయిన్స్ ఐశ్వర్యారాయ్, శ్రుతి హషన్ లను ఎంపిక చేశాడు. 

తాజాగా సమాచారం ప్రకారం ప్రాజెక్ట్ నుండి ఐశ్వర్యారాయ్ తప్పుకుందట.  దానికి కారణం  కుటుంబ సమస్యలే కారణం అని వినిపిస్తోంది.  తన కోడలు మళ్లీ ముఖానికి రంగేసుకోని, గ్లామర్ ఫీల్డ్ కి రీ ఎంట్రీ ఇవ్వడం పై అత్త జయా బచ్చన్ అంగీకరించడం లేదని విమర్శలు బాలీవుడ్ లో వినిపిస్తున్నాయి. 

ఈ విషయంలోనే ఆమధ్య అత్తా కోడళ్ళ మధ్య ఓ గొడవ కూడా చోటు చేసుకుంది. ఇక మణిరత్నం ఆఫర్ కు ఐశ్వర్య ముందు ఓకే చేసినా, అత్త జయా బచ్చన్, ఐస్ రీఎంట్రీకి కన్విస్ అవ్వకపోవడంతో,  విషయాన్ని మణిరత్నానికి చెప్పి ఈ భారీ ప్రాజెక్ట్ కు నుండి తప్పుకున్నట్లు  బాలీవుడ్ మీడియాలో వినిపిస్తోంది. 

ఐస్ తప్పుకోవటంతో తో ఆస్థానంలో ఆశిన్ ను లైన్ లో పెట్టారని వార్తలోస్తున్నాయి. మణిరత్నం మూవీ తో ఐస్ రీ ఎంట్రీ వుంటుందనుకున్న అభిమానులకు ఈ వార్త  కాస్త నిరాశ పరిచిందనే చెప్పాలి.  

-ఆర్ఎస్