షారూఖ్ ఖాన్ తలకు గాయాలు

Posted: 01/23/2014 04:40 PM IST

బాలీవుడ్ బాద్ షా, కింగ్ ఖాన్ షారూక్ ఖాన్ తలకు బలమైన దెబ్బ తగిలిందనే వార్త బాలీవుడ్ లో అందోళన కలిగించింది. నేటి ఉదయం ముంబైలోని జుహూ మారియట్ హోటల్లో ‘హ్యాపీ న్యూ ఇయర్ ’ సినిమా షూటింగు చేస్తుండగా అతనికి డోర్ తగలడంతో తలకు, ముఖానికి గాయాలు అయ్యాయని, వెంటనే చిత్ర యూనిట్ సభ్యులు ప్రథమ చికిత్స కోసం దగ్గర్లోని నానావతి హాస్పిటల్ కి తరలించి వైద్యం చేయించారని ప్రస్తుతం అతని పరిస్థితి బాగానే ఉందని, ఎవరూ కంగారు పడాల్సిన అవసరం లేదని యూనిట్ సభ్యులు తెలిపారు.

అయితే ప్రస్తుతం ఆయన ఆరోగ్యంగానే వున్నారని, అభిమానులు ఆందోళన చెందాల్సిన అవసరం ఏమీ లేదని షారుఖ్ పర్సనల్ పీఆర్వో మీడియాకి తెలిపాడు. ఫరా ఖాన్ దర్శకత్వంలో తెరకెక్కుతున్న ఈ సినిమాలో దీపికా పదుకునె, అభిషేక్ బచ్చన్, బొమన్ ఇరానీ, సోనూ సూద్ నటిస్తున్నారు. ఈ ఏడాది చివర్లో దీపావళి సందర్భంగా ఈ సినిమాని రిలీజ్ చేసే యోచనలో వున్నారు.