గురు శిష్యులు ఇద్దరు వెండితెర పై

Posted: 01/17/2014 04:27 PM IST

ప్రముఖ దర్శకుడిగా ఎన్నో బ్లాక్ బస్టర్ చిత్రాలను తీయడమే కాకుండా, సినిమా ఇండస్ట్రీకే గురువుగా ఉన్న బాలచందర్ వెండితెర పై కనిపించబోతున్నాడు. అదీ తన ప్రియ శిష్యుడు, నవరస నట సార్వభౌముడు అయిన కమల్ హాసన్ తో కలిసి. బాల చందర్ శిష్యుడైన రమేష్ అరవింద్ దర్శకత్వంలో కమల్ చేయబోతున్న ‘ఉత్తమ విలన్ ’ సినిమాలో కమల్ బాలచందర్ ని నటించాలని ప్రత్యేకంగా కోరడంతో కమల్ మాటను కాదనలేక ఈ సినిమాలో నటించడానికి ఒప్పుకున్నారని అంటున్నారు. ప్రస్తుతం విశ్వరూపం 2 చిత్రంలో నటిస్తున్న కమల్ ఆ తరువాత ఈ చిత్రంలో బిజీ కానున్నాడు.

అద్భుత చిత్రాల సృష్టికర్త కె.బాలచందర్తో కలిసి నవరస నటనా సార్వభౌముడు కమల్ హాసన్ వెండితెర పై కనిపిస్తే బాక్సాఫీసు బద్దలు అవ్వడం ఖాయం అంటున్నారు సినీ విశ్లేషకులు. సినిమా ఇండస్ట్రీకి కమల్ హాసన్ ని పరిచయం చేసిన బాలచందర్ ఒక్క కమల్ హాసన్ తోనే 30 చిత్రాలు చేశాడంటే వీరిద్దరి మధ్య ఎంత సాన్నిహిత్యం ఉందో అర్థం చేసుకోవచ్చు.