బిజినెస్ మెన్ , నిప్పు, బాడీగార్డ్.... ఈ సంక్రాంతికి వెండి తెర పై కనిపించపోతున్న సినిమాలు. ఈ మూడు సినిమాల్లో కనిపించే సంగీత దర్శకుడిగా కనిపించే ఉమ్మడి పేరు తమన్. ఈయనే ఈ చిత్రాలకు స్వరకర్త. ఈ యేడాది ‘మిరపకాయ్, దూకుడు, సినిమాలతో విజయాలు అందుకొన్నారు. ‘డిసెంబర్ నెల కోసం అందరితో పాటు నేను కూడా చాలా ఆసక్తిగా ఎదురు చూస్తున్నాను. ఒకేసారి మూడు పరీక్షలు రాసి ఫలితాల కోసం ఎదురు చూస్తున్న విద్యార్థి లాంటి సంగీత దర్శకుడు చెప్పిన వివరాలు.....

సంక్రాంతికి వచ్చే చిత్రాల్లో మూడింటికి మీరే సంగీత దర్శకుడు. టెన్షన్ గా అనిపిస్తోందా ?
అలాంటి పరిస్థితి లేదు. అంతా కూల్ గానే ఉంది. దర్మకులు, కథానాయకులు ఇస్తున్న ప్రోత్సాహం వల్ల. ఎవరూ కంగారు పెట్టడం లేదు. కావాల్సినంత సమయం ఇస్తున్నారు. అందులోనూ నాకు సంగీతమే ప్రపంచం. మరో వ్యాపకం లేదు. కాబట్టి గందరగోళం, ఒత్తిడీ లేకుండా నా పని నేను చేసుకుంటున్నా.

రవితేజ, మహేష్ బాబు, ఎన్టీ ఆర్ – వీరితో మళ్ళీ పనిచేస్తున్నారు. స్టార్లను ఆకట్టుకునే మ్యాజిక్ ఏంటో చెప్పండి ?

మీరు మ్యాజిక్ అంటున్నారు. నేను మ్యూజిక్ అంటున్నాను. అంతే తేడా. నా పనితనం ఏమిటో వారంతా దగ్గరుండి గమనించారు. కథానాయకులు నాకిచ్చిన బాధ్యతను నేను సక్రమంగా నెరవేర్చాను. అందుకే మళ్ళీ మళ్ళీ అవకాశాలిస్తున్నారు.

సినిమా ఒప్పుకోవాలంటే మిమ్మల్ని బాగా ఆకట్టుకోవాల్పిన విషయం ఏమిటి ?

కథానాయకుడి ఇమేజ్..... దర్శకుడి పనితీరు. ఆ తరువాత కథ. ప్రతీ కథానాయకుడికీ శైలి ఉంటంది. దాన్ని ద్రుష్టిలో ఉంచుకుంటే సంగీతం సమకూర్చడం సులభమే. రవితేజ, వెంకటేష్, మహేష్ బాబు ముగ్గురి శైలి వేరు. ఒకరికి హుషారు పాటలు కావాలి. ఇంకొకరికి మెలోడీలు కావాలి. మరో కథానాయకుడికి బీట్ ముఖ్యం. ఇకే సారి ఇంత వైవిధ్యమైన సినిమాలు చేయడం ఓ సవాల్ గా అనిపించింది. ఈ పరీక్షలో ఏ మేరకు నెగ్గుతానో శ్రోతలే చెప్పాలి.

‘దూకుడు’ విజయం స్వరకర్తగా మీకెలాంటి సంతోషాన్ని ఇచ్చింది ?

‘కిక్’ సినిమా నా మొదటి మైలురాయి. మధ్యలో చాలా సినిమాల్లో పాటలకు పేరొచ్చింది. దూకుడు మాత్రం నన్ను మరో స్థాయికి తీసుకెళ్ళింది. ముఖ్యంగా అందులో కథ ప్రకారం అంత మాస్ బాణీలు నప్పవు. కానీ మాస్ ని ఆకట్టుకోవాలి. అందులో ‘ఇప్పటికింకా నాయవస్సు’ ఛాయలు ఏమాత్రం కనిపించకూడదు. ఇన్ని ఆంక్షల మధ్య కూర్చిన పాట అది.

కొత్తగా ఒప్పుకున్న సినిమాలేంటి ?