తాప్సీ ఇమేజ్’ని పైకిలేపుతున్న పెద్ద ‘బ్రాండ్’!

Posted: 02/11/2015 11:22 AM IST

సొట్టబుగ్గల సుందరీ తాప్సీకి ఈమధ్య ఆఫర్లు అంతగా లేకపోవడంతో వల్ల ఆమె సతమతమవుతున్న విషయం తెలిసిందే! ఆఫర్ల కోసం ఈ అమ్మడు అన్నిరంగాల్లోనూ చక్కర్లు కొడుతోంది. ఆమధ్య తన అందాచందాలతో టాలీవుడ్’ను కట్టిపడేసిన ఈ భామకు వరుస పరాజయాలు ఎదురుకావడంతో ఆఫర్లు కరువయ్యాయి. దీంతో కోలీవుడ్’కి మకాం మార్చగా.. అక్కడా అదే పరిస్థితి ఎదురైంది. ఇక బాలీవుడ్’లో ఓ లుక్కేద్దామని అక్కడికెళ్తే.. అరకొరగా ఆఫర్లు వస్తున్నాయి. ఒకప్పుడు ఇండస్ట్రీని ఊపేసిన ఈ సెక్సీ నటి.. ఇప్పుడు మాత్రం అవకాశాలకోసం ఊగుతోంది.

అయితే.. ఒక్కసారిగా పడిపోయిన తాప్సీ ఇమేజ్’ని మాత్రం ఓ పెద్ద బ్రాండ్ పైకిలేపేందుకు ప్రయత్నాలు చేస్తోందని సమాచారం! ఆఫర్లు లేక ఆందోళనలో మునిగిన ఈ అమ్మడికి కాస్తైనా ఆసరాగా వుంటామంటూ సదరు బ్రాండ్ ముందుకొచ్చింది. ఆ బ్రాండ్ పేరు ‘ఎవర్ యూత్’(Everyuth)! ప్రముఖ సౌందర్య సాధనం అయిన ఈ బ్రాండ్.. తన తదుపరి ప్రచార కార్యక్రమాల కోసం తాప్సీని ఎంపిక చేసుకుందని సమాచారం! ఇందుకు ఆమె కూడా తక్కువ మొత్తానికే అంగీకరించిందట! త్వరలోనే ఇందుకు సంబంధించిన ప్రచార షూటింగులో ఈ చిన్నది పొల్గొనడానికి సిద్ధమవుతోంది.

మొత్తానికి తాప్సీ చేతిలో మూవీ ఆఫర్లు కరువైనా.. ఎండార్స్ మెంట్లకు అంబాసిడర్’గా వుంటూ కాలం గడుపుతోందన్నమాట! అన్నట్లు ప్రస్తుతం ఈ అమ్మడు ‘ముని 3’ మూవీలో నటిస్తోంది. అయితే.. ఆ మూవీ తర్వాత ఈమె చేతిలో మరే ఆఫర్లు లేవు. దీంతో.. ఈ మూవీ తర్వాత ఖాళీగా వుండటం కంటే ఎండార్స్’మెంట్లు చేయడమే మంచిదని భావించి, తాప్సీ ‘ఎవర్ యూత్’కి అంబాసిడర్’గా వ్యవహరించేందుకు ఓకే చెప్పి వుంటుందని విశ్లేషకుల అభిప్రాయం!