అయోమయ పరిస్థితిలో ‘ఐ’మీ కెరీర్...

Posted: 01/13/2015 11:36 AM IST

ఎక్కడో బ్రిటీష్ రాజ్యంలో మోడల్’గా కెరీర్’ని ప్రారంభించిన అమీజాక్సన్.. ఇండియాలోని సౌత్ ఇండస్ట్రీలో హీరోయిన్’గా తన అదృష్టాన్ని పరీక్షించుకుంటోంది. ఇప్పటికే ఈ అమ్మడు తెలుగులో ‘ఎవడు’, తమిళంలో ‘మదరాస పట్టణం’ అనే సినిమాల్లో నటించింది. ఆ రెండు మూవీలు భారీగానే విజయాలు సాధించింది కానీ.. నటిగా అమీకి అంతగా గుర్తింపు దక్కలేదు. పైగా అందాలు ఆరబోయడంలో అమీ అందరి హీరోయిన్లను వెనకేసిందిగానీ.. నటనాపరంగా అంతగా ప్రతిభ కనబరచలేకపోయిందని విమర్శకులు తమ వ్యాఖ్యలను గుప్పించారు.

దీంతో తనకు నటిగా గుర్తింపు దక్కుతుంగా..? లేదా..? అన్న అయోమయ స్థితిలో వుండగా.. భారీ ప్రతిష్టాత్మక ‘ఐ’ మూవీ నుంచి పిలుపొచ్చింది. శంకర్ లాంటి గొప్ప డైరెక్టర్ తెరకెక్కిస్తున్న భారీ చిత్రం నుంచి తనకు అవకాశం రావడంతో ఉబ్బితబ్బిబ్బయ్యింది. ఈ మూవీ కోసం ఈ అమ్మడు తనకు వచ్చిన ఎన్నో ఆఫర్లను వదులుకుంది. తన నటనప్రతిభను నిరూపించుకునేందుకు ఏమాత్రం ఖాళీ సమయం దొరికిని నిత్యం ప్రాక్టీస్ చేసేది. అంతేకాదు.. అందాల ఆరబోతకోసం తన బాడీని బిల్డప్ కూడా చేసిందీ అమ్మడు. ఇలా ఎన్నోరకాలుగా కష్టాలు అనుభవించి చివరికి షూటింగ్’ని పూర్తి చేసుకుంది ఈ సెక్సీ భామ!

ఇంతవరకు బాగానే వుంది కానీ.. ఇప్పుడే ఈమెకు అసలు కష్టాలు మొదలయ్యాయి. విడుదలకు సిద్ధంగా వున్న ఈ మూవీ భారీ సక్సెస్’ను అందుకుంటుందన్న విషయాన్ని పక్కనపెడితే.. తన నటనకు ప్రేక్షకులు ఎటువంటి మార్కులు వేస్తారోనన్న టెన్షన్’లో మునిగిపోయిందట అమీ జాక్సన్! చిత్రంలోని తన నటన గురించి మాట్లాడుతూ.. నటిగా తనలో వున్న ప్రతిభను దర్శకుడు శంకర్ వెలికి తీశాడని, సీసీ శ్రీరామ్ తనను అందంగా చూపారని. యూనిట్ వర్గాలు కూడా అమీ జాక్సన్ ఎంతో అద్భుతంగా నటించిందని అంటున్నారు. కానీ.. మూవీ విడుదల తర్వాత ప్రేక్షకులు ఎలా స్పందిస్తారోనన్న సందిగ్ధంలో మునిగిందట అమీ!

ఒకవేళ ఈ మూవీ భారీ సక్సెస్’ను అందుకున్నా.. భవిష్యత్తులో తనకు మరిన్ని ఆఫర్స్ వస్తాయా..? లేదా..? అన్న టెన్షన్’లో పడిపోయిందట! తన కెరీర్ బాగుపడాలన్నా.. లేదా ఫుల్’స్టాప్ పడిపోవాలన్నా.. ‘ఐ’ మూవీ తర్వాతే తేలనుందని అమ్మడు భావిస్తోందట! అందుకే.. ‘ఐ’ మూవీపై బోలెడు ఆశలు పెట్టుకుంది ఈ బ్రిటీష్ మోడల్! మరి.. ఈ చిత్రం ఆమె కెరీర్’కి ఏమేరకు హెల్ప్ అవుతుందో వేచి చూడాల్సిందే!

AS