ప్రియుడి కోసం నయనతారను సవాల్ చేసిన హన్సిక

Posted: 05/20/2014 07:06 PM IST

శింబు, నయనతారల ప్రేమ ముద్దులతో మొదలై, పడక గదిలో సరసాలు చేసుకొని చివరకి ఇద్దరు తూచ్ అంటూ ఒకరికొకరు విడిపోయిన విషయం అందరికి తెలిసిందే. పోనీ.. విడిపోయి ఎవరి పనిమీద వాళ్లు, వారి వారి సినిమాలు చేసుకుంటూ బిజీగా ఉండకుండా... నయనతార శింబుని వదిలేసి కొరియోగ్రాఫర్ ప్రభుదేవాతో పెళ్లికి సిద్ధమయ్యింది. నయనతారను పెళ్లి చేసుకోవడానికి అడ్డంగా ఉన్న తన భార్యకు విడాకులు కూడా ఇచ్చేసాడు ప్రభుదేవా. ఇంకొద్ది రోజుల్లో పెళ్లి చేసుకోబోతున్నారనగా ప్రభుతో బ్రేకప్ చేసుకొని మళ్లీ కోలీవుడ్ కు వచ్చేసింది. ఈలోపు శింబు కూడా ఖాళీగా ఉండకుండా అందాల పండ్ల సుందరి, బొద్దుగుమ్మ హన్సికతో చికుబుకు అంటూ రొమాన్స్ చేస్తూ ప్రేమలో దింపేశాడు, పెళ్లికి రెడీ అయిపోయారు ఈ ఇద్దరు. అయితే శింబు, హన్సికల మధ్య కూడా విభేధాలు రావడంతో కాస్త దూరం అయ్యారు.

కానీ ఇక్కడే శింబుకి కొత్త సమస్య ఏర్పడింది. ప్రభుదేవా నుంచి విడిపోయి వచ్చేసిన నయనతార మళ్లీ శింబుతో క్లోజ్ అయింది. దీంతో హన్సికకు ఎక్కడో కాలి... నయనతారపై హన్సిక చాలా కోపంగా ఉండి ఇద్దరు కూడా పరోక్షంగా మాటల యుద్ధం చేసుకున్నారు. కానీ దీనివల్ల హన్సికకు ఇంకా కసి తీరలేదు. అందుకే ఈసారి మీడియా సాక్షిగా నయనతారపై హన్సిక సెటైర్లు వేయడమే కాకుండా నయనతారకు బహిరంగంగా ఓ సవాల్ ను కూడా విసిరింది.

నయనతార తనకు అస్సలు పోటీయే కాదు. డాన్స్, యాక్టింగ్ ఇలా అన్నింటిలోనూ ఆమె చాలా వీక్ అంటూ నయనతారను కూరల్లో ఓ కరివేపాకులా తీసిపాడేసింది. అంతేకాకుండా ఆమె నాకంటే వయసులో పెద్దది. అసలు అవన్నీ కాదు... మా ఇద్దరికీ ఒకే కలర్ డ్రెస్ వెస్తే ఎవరు అందంగా ఉంటారో మీకే తెలుస్తాయి అంటూ వీరంగం చేస్తూ రెచ్చిపోయింది.

అయితే ఇదంతా కేవలం తనకు రావలసిన సినీ అవకాశాలను నయనతార తన్నుకుపోతుందనే కడుపుమంటతోనే హన్సిక ఇలా మాట్లాడుతుందని కోలీవుడ్ వర్గాలంటున్నాయి. ఈ కోలీవుడ్ వర్గాల మాట కాసేపు పక్కన పెడితే... హన్సిక చేసిన కామెంట్లకు, సవాల్ కు నయనతార ఏ విధంగా స్పందిస్తుందో త్వరలోనే తెలియనుంది. నయనతార, హన్సికల మధ్య ఇంత పెద్ద గొడవ జరుగుతుంటే శింబు మాత్రం ‘‘నాకేమీ తెలియదు. మీరేమైనా చేసుకొండి. నాకేం సంబంధం లేదు’’ అనే విధంగా సైలెంట్ గా ఉన్నాడు. చూద్దాం.. హన్సిక ఇంకా ఎంత పెంట పెంట చేస్తుందో?

Sandy