స్వేచ్ఛగా తిరిగినా సరే కన్యాదానం చెయ్యటం అవసరం!

Posted: 01/09/2014 01:28 PM IST

సహవాసాలు, ప్రేమలు, కలిసి తిరగటాలు, సహజీవనాలు, విడిపోవటాలు, వేరేవారితో మళ్ళీ స్నేహం ఇలా ఎన్ని జరిగినా చివరకు పెళ్ళికి సిద్దమయ్యేటప్పటికి ఆచారాలు, రివాజులు, ఆనవాయితీలు వచ్చేస్తాయి.  పెళ్ళి కానంత వరకూ కుమారిగానే పరిగణిస్తారు.  కానీ కుమారికి, కన్యకు చాలా తేడా ఉందని మనందరికీ తెలుసు.  అయినా పెళ్ళిలో దాన్ని మనం కన్యాదానమనే అంటాం కానీ కుమారిదానమని అనం.

సినిమా నటుడు జాన్ అబ్రహం తో తొమ్మిది సంవత్సరాలు సహజీవనం చేసిన తర్వాత బిపాసా బసు ప్రస్తుతం హర్మాన్ బవేజాతో పెళ్ళికి సిద్దమౌతోంది.  ఆమె పాత ప్రియుడు జాన్ అబ్రహం ప్రియా రూంచల్- తన కొత్త ప్రియురాలిని వివాహమాడే ప్రయత్నంలో ఉండగా తను మాత్రం తీసిపోతుందా అన్నట్టు బిపాసా బసు కూడా హర్మాన్ బవేజాను పెళ్ళి చేసుకోవటానికి సిద్దమౌతోంది. 

అందుకోసం బిపాసా తల్లిదండ్రులు హర్మాన్ తో రెండు మూడు సార్లు కలిసి మాట్లాడటం కూడా జరిగింది.  అంతా అనుకున్నట్లుగా జరిగితే ఈ సంవత్సరంలోనే బిపాసా కన్యాదానం జరుగుతుంది. 

హర్మాన్ కూడా ఈ లోపులో తన ప్రియురాలు ప్రియాంకా చోప్రాతో సంబంధాన్ని తెగతెంపులు చేసుకున్నాడు.  దానితో లైన్ క్లియర్.

-శ్రీజ