నాకింక బతకాలని లేదు- ఉదయ్ కిరణ్ ఆఖరి మాటలు

Posted: 01/06/2014 09:48 AM IST

ఆదివారం అర్ధరాత్రి తన స్వగృహంలో ఉరిపోసుకుని చనిపోయిన ఉదయ్ కిరణ్ అంతకు ముంది తన స్నేహితులందరికీ ఫోన్లు చేసి తనకింక ఒక్కరోజు కూడా బతకాలని లేదని చెప్పి పెట్టేసి వాళ్ళు తిరిగి ఫోన్ చేస్తే ఆ కాల్స్ ని తీసుకోలేదు.  చివరి కాల్ ముందుగా ఉదయ్ కిరణ్ ఫోన్ నుంచి తన భార్య విశితకు ఐ లవ్ యు టూ అని ఎస్ ఎమ్ ఎస్ చేసారు.

ఉదయ్ కిరణ్ ఎందుకు ఆత్మహత్య చేసుకోవలసివచ్చిందో అర్థం కావటం లేదంటున్నారు సినిమాలలో పనిచేసే తోటి నటులు. 

ఉదయ్ కిరణ్ ఆఖరి కాల్ చెన్నై లో భూపాల్ అనే వ్యక్తికి.  బహుశా ఉదయ్ కిరణ్ కి ఆయన వృత్తిలో మొలకెత్తిన సమస్యలే ఆయన అటువంటి అఘాయిత్యానికిపాల్పడటానికి కారణమైవుండవచ్చని అంటున్నారు పోలీసులు.  ఉదయ్ కిరణ్ అన్న కూడా తన 21 వ సంవత్సరంలో ఆత్మహత్య చేసుకున్నారు. 

సున్నితమైన వ్యక్తిత్వంగల ఉదయ్ కిరణ్ ఏవో బలమైన వత్తిడులకు గురయ్యుంటారని ఆ దిశగా దర్యాప్తు సాగుతోంది.  అయితే ప్రస్తుతం మాత్రం దీన్నిఅనుమానస్పద కేసుగా బుక్ చేసుకున్నారు పోలీసులు. 

-శ్రీజ