ఆ సమయంలో ఫిట్ నెస్ కావాలి?

Posted: 05/01/2013 05:38 PM IST

బాలీవుడ్ హీరోయిన్ కరీనాకపూర్ పెళ్లైన తరువాత కూడా కొన్ని కొత్త విషయాలు చెబుతుంది. ఆ సమయంలో చాలా దాహంగా ఉంటుందని చెబుతుంది. అంటే మరోల అర్థం చేసుకోకండి? యువతలో స్ఫూర్తి నింపగల శక్తి దీనికి ఉందని చెప్పింది. ప్యాస్ బఢావో ప్రకటన ఆవిష్కరణ కార్యక్రమంలో ఈ బ్యూటీ మాట్లాడుతూ ‘నా మనస్తత్వానికి దగ్గరగా ఉండే బ్రాండ్లకే ప్రచారం చేస్తాను. లిమ్కా పేరు వినగానే నాలో కొత్తశక్తి వస్తుంది. మరింత శ్రమించాలని ఈ నినాదం యువతకు బోధిస్తుంది. ఇది నాకు కూడా వర్తిస్తుంది. అందుకే ఈ టీవీ ప్రకటనలో నటించాను’ అని చెప్పింది. లిమ్కాకు ప్రచారకర్త వ్యవహరించడం అద్భుతంగా అనిపిస్తోందని, ప్యాస్ బఢావో ప్రచార కార్యక్రమం కోసం పనిచేయడం ఎంతో ఆనందం కలిగిస్తోందని తెలిపింది. ప్యాస్ బఢావో నినాదం సరదాగా, గుండెకు హత్తుకునేలా, యువతలోకి చొచ్చుకుపోయేలా ఉందంటూ వర్ణించింది.

వ్యాయామం చేసేటప్పుడు తగినంత మేర ద్రవపదార్థాలు తీసుకోవడం తప్పనిసరని ఫిట్‌నెస్ ప్రియురాలు అయిన కరీనా సలహా ఇచ్చింది. ఆ సమయంలో శరీరానికి అధికశక్తి అవసరం కాబట్టి, పానీయాలు తీసుకోవడం చాలా ముఖ్యమని సూచించింది. యువత ఎప్పుడూ ఉల్లాసంగా ఉంటూ జీవితాన్ని నడిపించే విషయాలపై దృష్టి పెట్టాలని కోరింది. ప్యాస్ బఢావ్ వాణిజ్య ప్రకటన ఇది వరకే టీవీల్లో ప్రసారమవుతోంది. ‘నీ మనసులో ఉన్నదేంటో చెప్పు’ అంటూ ఒక యువకుడిని ఇందులో కరీనా ప్రోత్సహించడాన్ని చూడవచ్చు. లిమ్కాతోపాటు హెడ్ అండ్ షోల్డర్స్, లావీ హ్యాండ్‌బ్యాగ్స్, సోనీ వయో వంటి ఉత్పత్తులకు కూడా కరీనా కపూర్ ప్రచారం చేస్తోంది.