Posted: 02/13/2013 06:35 PM IST

టాలీవుడ్ లో స్టార్ హీరోలందరి లోనూ ప్రత్యేకమైన ఆదరణ ఉన్న హీరో మహేష్ బాబు... అందం, ఆకర్షించే నటన, దీనికి తోడు విజయాలు ఇవన్నీ మహేష్ సొంతం... ప్రస్తుతం ఏ దర్శక - నిర్మాతని కదిలించినా 'మహేష్ డేట్స్ దొరికితే బాగుండును, సినిమా తీస్తే బాగుండును' అని తమ ఆలోచనలని బైట పెడుతున్నారు. కొత్తగా వచ్చిన హీరోయిన్ దగ్గరి నుండి స్టార్ హీరోయిన్ వరకు 'మహేష్ నా ఫేవెరేట్ హీరో, ఎప్పటికైనా తనతో నటిస్తే చాలు' అని తమ మనసులోని మాట ను బైట పెడుతున్నారు.

ఇంత ఫ్యాన్ ఫాలోయింగ్ ఉన్న మహేష్ కు మాత్రం, ఇన్ని రోజులు ఒక్క చింత ఉండిపోయింది. అదే ఇతర హీరోలతో సమానంగా డ్యాన్స్ చెయ్యలేకపోవడం... బహుసా మహేష్ చేత స్టెప్పులు వేయించే మాస్టర్ ఇంతవరకు ఈ హీరోకి దొరకలేదేమో... ఇప్పుడు ఆ కొరత తీర్చుకునే పని లో పడ్డాడు మహేష్. తానూ నటిస్తున్న కొత్త చిత్రంలో రెండు పాటలకు స్టెప్పులు కంపోజ్ చెయ్యమని, బడా నాయకుల చేత స్టెప్పులు వేయించిన ప్రేమ్ రక్షిత్ మాస్టర్ కి తన సినిమాలో రెండు పాటలను అప్పగించాడు... సుకుమార్ దర్సకత్వం వహిస్తున్న ఈ చిత్రానికి పాటల తరంగం దేవి శ్రీ ప్రసాద్ మ్యూజిక్ కంపోజ్ చేస్తున్నాడు...

ఇక దేవి బాణీలకు, ప్రేమ్ రక్షిత్ నృత్య రూపకల్పనకు మహేష్ స్టెప్పులు వేస్తూ అభిమానులని ఉర్రూతలూగిస్తాడు అంటున్నారు యూనిట్ సభ్యులు... ఏదైతే నేఁ, ఆల్ రవుండర్ గా గుర్తింపు తెచ్చుకునే పనిలో పడ్డాడు ప్రిన్సు అని చెప్పచ్చు.