Posted: 12/27/2012 05:47 PM IST

మెగా పవర్ స్టార్ రామ్ చరణ్ తేజ్ , ప్రముఖ డైరెక్టర్ వి వి వినాయక్ కాంబినేషన్లో వస్తున్న చిత్రం ‘నాయక్ ’ సినిమాని జనవరి 9న విడుదల చేయడానికి సన్నాహాలు చేస్తున్నారు. ఇప్పటికే ఆడియో విడుదల పూర్తి చేసుకున్న  ఈ సినిమా పై టాలీవుడ్ ఫిలింనగర్లో ఓ వార్త వినబడుతుంది. రామ్ చరణ్ నాయక్ సినిమాని వినాయక్ దర్శకత్వం వహస్తున్నా, ఈ సినిమా కథ మాత్రం పక్కా రజినీకాంత్ సూపర్ హిట్ చిత్రం ‘భాషా ’ సినిమా ఫార్మాట్ లోనే ఉందని, అచ్చం దానిలాగే ఫ్లాష్ బ్యాక్ పెట్టి తీశారని అంటున్నారు. ఇలాంటి కథలు ఇండస్ట్రీలో ఇది వరకు ఎన్నో వచ్చాయని, మళ్ళీ పాత కథనే కొత్త చూపెడుతున్నారని అంటున్నారు. కానీ సినిమా యూనిట్ మాత్రం... బాషా సినిమా ఫార్ములా మాదిగా ఉన్నా కానీ, నాయక్ సూపర్ గా వచ్చిందని, ఇందులో వినాయక్ మార్క్ కనబడుతుందని, ఈ సినిమా రామ్ చరణ్ ని పూర్తి స్థాయి మాస్ హీరోగా మార్చేస్తుందని అంటన్నారు. వారి మాటలు ఎలా ఉన్నా, సినిమా ఏమాత్రం అటూ ఇటూ అయినా చరణ్, వినాయక్ ఇమేజ్ డ్యామేజ్ కావడం ఖాయం అని అంటున్నారు. సినిమా విడుదల అయితే గానీ చెప్పలేం.