Posted: 12/18/2012 11:46 AM IST

తెలుగులో ఛార్మింగ్ గాళ్ గా పేరు సంపాదించిన ఛార్మి ఒకప్పుడు తన అందాలతో ప్రేక్షకుల్ని ఉర్రూతలు ఊగించింది. ఈ అమ్మడుకి గత కొన్ని రోజుల నుండి తెలుగులో అంతగా అవకాశాలు లేవు. అడపా దడపా సినిమాలు, ఐటెం సాంగులు చేస్తూ కాలం వెల్లదీస్తున్న ఛార్మీ గురించి ఫిలింనగర్ లో ఓ వార్త వినబడుతోంది. ఈ వార్తలో నిజమెంతో అబద్దమెంతో తెలియదు కానీ, ఈమె పై వస్తున్న వార్త ఏంటంటే... ఈమె పవర్ స్టార్ పవన్ కళ్యాణ్ కి మంచి హిట్ సినిమాని ఇచ్చిన దర్శకుడి చెంప పగల గొట్టిందని అంటున్నారు. ఇటీవల సదరు దర్శకుడిని కలిసేందుకు చార్మి వెళ్లిందని.... అయితే అతను ఆమె పట్ల అనుచితంగా ప్రవర్తించడంతో తిక్క రేగిన చార్మి అతని చెంపపై కొట్టిందని అంటున్నారు. సదరు దర్శకుడు నిషాలో ఉండటం వల్లనే అలా ప్రవర్తించాడని, అతని ప్రవర్తన చెడుగా ఉండటం వల్లనే చార్మి అలా చేసినట్లు చర్చించుకుంటున్నారు. ఈ విషయం బయటికి పొక్కితే.... సదరు నిర్మాత పరువు మర్యాదలు గంగలో కలవడం ఖాయం కాబట్టి, ఈ విషయాలు గోప్యంగా ఉంచుతున్నారని, ఈ విషయంలో ఎవరిది తప్పో తెలుసుకున్న తరువాత సదరు దర్శకుడి పేరు బయట పెడతారని అంటున్నారు. ఏది ఏమైనా ఛార్మి చేయి చేసుకునేంత వరకు వచ్చిందంటే... అతడు ఆమెను గొకితేనే అలా చేసిందని సినీ జనాలు గుసగులలాడుకుంటున్నారు.