Posted: 12/05/2012 12:55 PM IST

నటి శ్రియ అగ్గిమీద గుగ్గిలం అవుతుంది. ఎందుకంటారా ? హీరోయిన్లు అందరు దమ్ముకొట్టడమే కాకుండా, మందు కొడతారనే టాక్ కూడా వినిపిస్తుంది ? ఇందులో నిజమెంత మేడమ్ అని ఓ జువెల్లరీ షాప్ ఓపెనింగ్ కి వచ్చినప్పుడు ఓ విలేఖరి అడిగిన ప్రశ్నకు చిర్రుబుర్రు లాడుతూ హీరోయిన్లు అందరూ మందు కొట్టడతారనడం కరెక్టు కాదు. కొందరికి కొన్ని అలవాట్లు ఉంటాయి. ఎవరి అలవాట్లు వారివి. కల్చర్‌ వల్ల కొన్ని అలవాట్లు మారుతుంటాయి. అంతే గానీ హీరోయిన్లు మందు కొడతారనడం కరెక్ట్ కాదు అని లెక్చర్లు దంచింది. ఇటీవలే డ్రగ్స్‌ వాడుతూ, డ్రింక్‌ చేస్తూ.. పట్టుబడ్డ తారల పేర్లు పేపర్లో వచ్చాయని అంటూ... ఇలాంటి వాటికి తానైతే దూరంగా ఉంటానని చెప్పింది. తనకు ఎటువంటి అలవాట్లు లేవనీ, ఒకవేళ ఉంటే... పబ్లిక్‌గా చేయనని అంటోంది. అంటే అప్పుడప్పుడు స్మోక్‌ చేస్తారా ? అంటే... అదంతా పర్సనల్‌ అంది. ఈ మాటలు విన్న సినీ జనాలు అన్ని అలవాట్లు ఉన్న అమ్మడే ఎగిరెగిరి పడుతుంది. ఏ అలవాట్లు లేకుంటే ఇలా ఎందుకు ఎగిరిపడుతుందని అంటున్నారు.