Posted: 11/23/2012 07:00 PM IST

టాలీవుడ్, బాలీవుడ్ హీరోయిన్ గా ప్రేక్షకుల గుండెల్లో స్థానం సంపాదించిన జెనీలియా బాలీవుడ్ స్టార్ రితేష్ దేశ్ ముఖ్ ని పెళ్లాడిన విషయం తెలిసిందే. తన వివాహం అయిన తరువాత నుండి సినిమాలకు దూరం అయిన ఈ భామ తన అనుభవాలను ఇలా చెప్పుకొచ్చింది. పెళ్లి తరువాత నా స్త్రీ జీవితంలో చాలా మార్పులు ఉంటాయని అంటున్నారు. కానీ నా జీవితంలో ఎలాంటి మార్పులు లేవు. పెళ్లికి ముందు పెళ్లి తరువాత నా జీవితంలో పెద్దగా మార్పులు లేవు. పెళ్ళికి ముందు షూటింగ్‌లంటూ తెగ తిరిగేదాన్ని, కానీ ఇప్పుడు అది లేదని జెన్నీ అంటోంది. ఇప్పుడు ఇంట్లో ఖాళీగా కూర్చొని టీవీ చూస్తూ ఎంజాయ్ చేస్తున్నాను. ఇలాగే ఇంకొన్ని రోజులు ఉండాలని పిస్తుంది అంటూ చెప్పుకొచ్చింది. ఇక ఈమె పెండ్లి కాక ముందుకు నటించిన రెండు సినిమాలు విడుదలకు సిద్ధంగా ఉన్నాయి. ప్రస్తుతం ఈమె తన భర్త సొంత నిర్మాణంలో చేపట్టే సినిమాల వ్యవహారాలు చూసుకోవడమే కాకుండా, సీసీఎల్ క్రికెట్ టీం కూడా కొని దాని కోసం కొంత టైం కేటాయిస్తుంది. అంటే జెనీలియాకి పెళ్లి అయినా ఇంకా ఆ ఫీల్ రాలేదేమోనని అనుకుంటున్నారు సినీ జనాలు.