Posted: 11/20/2012 06:14 PM IST

ఏ హీరోయిన్ కైనా ఇండస్ట్రీలో కొన్ని రోజుల వరకే క్రేజ్ ఉంటుంది. ఆ తరువాత అవకాశాలు తగ్గిపోవడం అనేది ఇప్పుడున్న పరిస్థితులలో కామన్. ఒకప్పుడు హీరోయిన్ చాలా సంవత్సరాలు ఇండస్ట్రీలో కొనసాగేది. కానీ కాలం మారింది. రోజుకో ఫిగర్ ఇండస్ట్రీకి ఎంట్రీ ఇస్తుంది. దీంతో దర్శక నిర్మాతలు కూడా కొత్త అందాలకే ఎక్కువ ప్రాధాన్యం ఇస్తున్నారు. దాంతో స్టార్ హీరోయిన్లకు సైతం అవకాశాలు లేకుండా పోతున్నాయి. అలాంటి జాబితాలో ఇప్పటికే చాలా మంది చేరిపోయారు. హీరోయిన్లుగా అవకాశాలు రాకపోవడంతో వారు కొత్త మార్గాలు ఎంచుకుంటున్నారు. ఇంటస్ట్రీలో నిలబడాలంటే అందాల ప్రదర్శన ఒక్కటే అనే విషయాన్ని గ్రహించిన భామలు సెకండ్ ఇన్నింగ్స్ గా ఐటెం గర్ల్స్ గానో, అతిథి పాత్రలకు గానో కమీట్ అవుతున్నారు.

ఇప్పుడు ఆ జాబితాలోకే వచ్చింది మన అందాల సుందరి శ్రియ. డాన్ శీను తరవాత శ్రియకు తెలుగులో ప్రధాన హీరోయిన్ అవకాశాలు కరవైపోయాయి. దాంతో అతిథి పాత్రలకూ ఐటెమ్ సాంగులకూ సిద్ధమైంది. ఇలాంటి దీనమైన పరిస్థితుల్లో శ్రియ ఉందని తెలుసుకున్నట్టున్నాడు... కన్నడ దర్శక నిర్మాతలు. పిలిచారు, ఓ సినిమాలో అవకాశమిచ్చారు. దాని పేరు చంద్ర. అది రాజుల కాలం నాటి సినిమా. అందులో హీరోయిన్ మామూలుగా కనిపిస్తే చాలదట... శృంగార నాయికగా కనిపించాలట. అంగాంగ ప్రదర్శన, శృంగార హావభావాలూ ఉండాలని చెప్పకనే చెప్పారట. దాంతో, శ్రియ అందుకు సిద్దమైంది. తనకు ఇష్టంలేకపోయినా హీరోతో రొమాన్స్ చేస్తున్నట్టు రెచ్చిపోయిందట. అవకాశాలు ఉన్నప్పుడు అందాలు చూపించకుండా దాచుకునే, కథానాయికలు, ఫేడ్ అవుట్ అయిన తరువాత ఉన్నవన్నీ చూపిస్తే ఏం లాభం అంటున్నారు సినీ జనాలు. మరి ఈ అందాల ఆరబోతతో శ్రియకు కనీసం అక్కడైనా అవకాశాలు వస్తాయో లేదో చూడాలి.