Posted: 08/31/2012 06:50 PM IST

సినిమా రంగంలో ఉన్న హీరోయిన్లకు ఒకరంటే ఒకరికి సర్వసాధారణంగా పడదు. ఎవరో నూటికో కోటికో ఒక్కరు కలుపుగోలుగా ఉంటారు. ఎందుకంటే ఎవరికి వారే గొప్ప అనే ఈగో ఫీలింగులో ఉండటమే దీనికి కారణం అని చెప్పవచ్చు. గతంలో హీరోయిన్ల మధ్య కోల్ట్ వార్ లు ఎన్నో జరిగిన సంఘటనలు ఉన్నాయి. తాజాగా నార్త్ హీరోయిన్ సనాఖాన్ కి సౌత్ హీరోయిన్ త్రిషకు మధ్య బాహాటంగానే చిన్నపాటి యుద్ధం జరిగింది. ప్రస్తుతం సనాఖాన్ ఓ మళయాళ చిత్రంలో నటిస్తుంది. దానికి సంబంధించిన సినిమా విషయాల గురించి ఓ పత్రికకు ఇంటర్వూ ఇచ్చింది. ఆ ఇంటర్వూ మధ్యలో ఓ సందర్భం గురించి వ్యాఖ్యానిస్తూ సౌత్ తారలు నార్త్ తారల కన్నా పబ్బుల్లో రెచ్చిపోతుంటారని వ్యాఖ్యానించింది.

ఈ వ్యాఖ్యలు విన్న త్రిషకు ఎక్కడో ఖాళినట్లుంది. దీంతో త్రిష అగ్గిమీద గుగ్గిలం అయి సనాఖాన్ పై మండిపడుతుందో. అయితే సనాఖాన్ వ్యాఖ్యలను సౌత్ హీరోయిన్లు ఎవరు అంతగా పట్టించుకోలేదు. కానీ త్రిష ఒక్కతే రెచ్చిపోవడానికి కారణం ఏంటా అని ఆరాతీస్తున్నారు. అయితే త్రిష గురించి తెలిసిన వారు మాత్రం పబ్బుల్లో రెచ్చిపోయినప్పుడు లేని కోసం ఆమె మాటలు అన్నందుకే వచ్చిందా ? ఉన్నమాట అంటే ఉలిక్కిపడటం అంటే ఇదే మరి అని అనుకుంటున్నారు. ఇక సనాఖాన్ వ్యాఖ్యలపై సౌత్ హీరోయిన్లు అందరు కలిసి ఆర్టిస్టుల సంఘంలో ఫిర్యాదు చేయబోతున్నారని వార్తలు.  ఈ వివాదం ఎంతవరకు వెళుతుందో చూడాలి.