Posted: 08/18/2012 01:44 PM IST

సాధారణంగా సినిమా హీరోయిన్లకు తగిన గుర్తింపు రావాలంటే చాలా టైం పడుతుంది. ఎంతో కష్టపడితే గానీ గుర్తింపు రాదు. కానీ కొందరికి మాత్రం బాగా కలిసి వస్తుంది. అనతి కాలంలోనే టాప్ హీరోయిన్ రేంజికి ఎదిగిపోతారు. అలాంటి కోవకే చెందుతుంది సమంతా. చాలా తక్కువ టైంలో బిజీ హీరోయిన్ గానే కాకుండా అగ్ర హీరోయిన్లలో ఒకరిగా పేరుతెచ్చుకుంది. క్షణం తీరికలేకుండా బిజీగా ఉన్న సమంతా ఆ మధ్యన అనుకోకుండా అనారోగ్యానికి గురైంది. దీంతో కొన్ని నెలల పాటు షూటింగులకు హాజరు కాలేదు. సమంతా ముఖం పై ఎలర్జీ వచ్చిందని మొదట వార్తలు వచ్చాయి, తరువాత సమంతా బాయ్ ఫ్రెండ్ తన ముఖం పై గాజుతో గాట్లు పెట్టడంతో గాయం అయిందని, దాన్ని కవర్ చేయించుకునేందుకు ప్లాస్టిక్ సర్జరీ కూడా చేయించుకుందని ఇలా రకరకాల ప్రచారాలు జరిగాయి. అయితే ఇప్పుడు సమంతా షూటింగులకు హాజరవుతుంది. ఈ టైంలో కొత్త వార్త సినీ ఇండస్ట్రీలో చెక్కర్లు కొడుతుంది.

అనతి కాలంలోనే అందనంత ఎత్తుకు ఎదిగిన సమంతాని చూసి, దుర్భుద్ధితో ఆమె పై ఎవరో బాణామతి (బ్లాక్ మ్యాజిక్) ప్రయోగించడం వల్లే, ఆమె ఇటీవల అనారోగ్యానికి గురైందనీ, దాన్ని తొలగించుకోవడానికి సమంతా తాంత్రిక పూజలు నిర్వహించిందని, ఆ పూజ నిర్వహించిన తరువాతనే సమంతా కోలుకుందని ప్రచారం సాగుతుంది. ఈ పూజ కోసం కేరళలో ఉన్న ప్రముఖ తాంత్రిక పూజారి అయిన వినీత్ భట్ హైదరాబాద్ కి వచ్చి, ఓ నిర్మాత ఆఫీసులో సమంతా సమక్షంలో మూడు గంటల పాటు నిర్వహించిన తాంత్రిక పూజతో ఆమెపై ప్రయోగించిన బాణామతి ప్రభావం విరగడైందని అంటున్నారు. ఈ తంతుపై హైదరాబాదుకు చెందిన ఓ ప్రముఖ ఆంగ్ల పత్రిక ఈ రోజు ఓ ప్రత్యేక కథనాన్ని కూడా ప్రచురించింది.తాంత్రిక్ నిర్వహించిన ఈ పూజా కార్యక్రమం పూర్తయిన తర్వాత సమంతాలో కొత్త శక్తి ప్రవేశించిందనీ, ఈ తంతు జరిగిన కొన్ని గంటల తర్వాత ఆమె ఒంటిపైనున్న ఎర్రని దద్దుర్లు మెల్లగా తగ్గుముఖం పట్టాయనీ, ఇది జరిగిన కొన్నాళ్లకే ఆమె పూర్తి ఆరోగ్యంతో షూటింగుకి హాజరైందని అంటున్నారు. 

అయితే ఈ విషయం పై ఆమె మేనేజర్ మాత్రం తీవ్రంగా స్పందించాడు. అలాంటివి ఏం జరగలేదని చెబుతున్నాడు. ఇఫ్పుడు సమంతా నందినీ రెడ్డి దర్శకత్వంలోని సినిమా షూటింగులో పాల్గొంటుంది. ఈ కాలంలో సమంతా ఇలాంటి కూడా ఉన్నాయా అని సినీ జనాలు అనుకుంటున్నారు.