Posted: 08/03/2012 08:22 PM IST

బాలీవుడ్ హీరోయిన్లు పెళ్లి చేసుకొని నిజజీవితంలో తల్లులు అవ్వడమే కాదు, సినిమా పాత్రల పరంగా బాగా ఏజ్ అయితే తప్ప తల్లి పాత్రలు చేయడానికి సమ్మతించరు. అయితే షాట్ గన్ శత్రుఘ్ఞసిన్హా కూతురు సోనాక్షి మాత్రం ఇందుకు మినహాయింపు. వందకోట్లు వసూళ్లు చేసిన సినిమాలో హీరోయిన్ అయితే సదరు హీరోయిన్‌కు ఇండస్ట్రీలో ఎలాంటి డిమాండ్ వుంటుందో అందరికీ తెలిసిందే. అయితే సోనాక్షిసిన్హా తన పంథాయే వేరంటోంది. దబాంగ్ తో బాలీవుడ్ చిత్రసీమకు పరిచయమైంది ఈ సుందరి. ప్రస్తుతం సోనాక్షి దబాంగ్‌కు సీక్వెల్‌గా తెరకెక్కుతున్న  దబాంద్ - 2 లో కథానాయికగా నటిస్తోంది .సల్మాన్‌ఖాన్ కథానాయకుడు.

ఈ చిత్రంలో ఆయనకు ఓ కొడుకు కూడా వుంటాడు. దీంతో కథానాయిక సోనాక్షి తల్లి పాత్రలో నటించడం తప్పనిసరైపోయింది. కెరీర్‌లో అగ్రస్థానంలో దూసుకుపోతున్నప్పుడు ఇలాంటి పాత్రలు చేస్తే భవిష్యత్తులో అవకాశాలు దెబ్బతింటాయని సన్నిహితులు చెప్పిన మాటల్ని కూడా తేలిగ్గా తీసుకుంది సోనాక్షి. కథానుగుణంగా తను తల్లి పాత్రను చేస్తున్నానని, అంతమావూతాన తన ఇమేజ్‌కు వచ్చే నష్టమేమిలేదని నమ్మకంగా వుంది సోనాక్షి. బాలీవుడ్‌లో అపజయం ఎరుగని కథానాయికగా దూసుకుపోతున్న ఈ భామ నటిస్తున్న మూడు చిత్రాలు ఈ ఏడాదిలో విడుదల కానున్నాయి.