Posted: 04/04/2012 07:01 PM IST

నందమూరి నట సింహం బాలక్రిష్ణ యంగ్ హీరోలతో పోటీ పడి మరీ సినిమాల మీద సినిమాలు చేస్తున్న విషయం తెలిసిందే. సింహా, శ్రీరామరాజ్యం హిట్ తరువాత బాలక్రిష్ణ మరింత జోరు పెంచాడు. తాజాగా బాలకృష్ణ హీరోగా పరుచూరి మురళి దర్శకత్వంలో రూపొందుతున్న చిత్రం ‘అధినాయకుడు’. ఈ చిత్రం షూటింగ్ పూర్తి చేసుకొని విడుదలకు సిద్ధం అవుతోంది.

ఈ చిత్రంలో బాలక్రిష్ణ మూడు గెటప్ ల్లో కనిపించ బోతున్నాడు. అయితే ఈ చిత్రం పై ఫిలిం నగర్లో కొన్ని వార్తలు చెక్కర్లు కొడుతున్నాయి. బాలక్రిష్ణ కనిపించ బొతున్న ముసలి పాత్రలో కొన్ని డైలాగ్ లు మెగాస్టార్ చింరంజీవిని ఉద్దేశించి ఇన్ డైరెక్ట్ గా వదిలాడని సమాచారం. ఆమధ్య కాలంలో బాలక్రిష్ణ, చిరంజీవిల మధ్య కొంత మాటల యుద్దమే జరిగింది. ఆ మధ్య బాలయ్య మీడియాతో మాట్లాడుతూ చిరంజీవి పదవుల కోసం ఢిల్లీ చుట్టు తిరుగుతున్నారని విమర్శించడం, చిరంజీవి స్పందిస్తూ బాలయ్యది చిన్నపిల్లల మనస్తత్వం అంటూ కౌంటర్ ఇవ్వడం తెలిసిందే.

ఈ నేపధ్యంలో చిరు పై రివేంజ్ తీసుకోవడానికి బాలయ్య కావాలనే ఈ సినిమాలో అలాంటి డైలాగులు వాడారని అంటున్నారు. మరి చిరంజీవి పై బాలయ్య ఏ రేంజ్ లో డైలాగ్ లు కొట్టాడో... అవి ఎంత పెద్ద దుమారాన్ని రేపుతాయో తెలియాలంటే... సినిమా విడుదల అయ్యేవరకు వేచి చూడాల్సిందే.