Posted: 03/28/2012 08:46 PM IST

శృంగారతార సిల్క్ స్మిత జీవితంలోని కొన్ని సంఘటనల ఆధారంగా, విద్యాబాలన్ కథానాయికగా హిందీలో రూపొందిన 'డర్టీ పిక్చర్' చిత్రం అనూహ్య విజయం సాధించిన సంగతి తెల్సిందే. ఇప్పుడీ చిత్రాన్ని తెలుగులో రీమేక్ చేయడానికి సన్నాహాలు జరుగుతున్నాయి. తెలుగు వెర్షన్లో సిల్క్ పాత్రను కథానాయిక నిఖిత పోషించే అవకాశం వుందని తెలుస్తోంది.

ఈ చిత్రం రీమేక్ కోసం సౌత్ నుంచి ప్రతిపాదనలు వచ్చిన మాట వాస్తవమేననీ, అందులో ఒక ప్రతిపాదన నిఖిత హీరోయిన్ గా వచ్చిందనీ 'డర్టీ పిక్చర్' నిర్మాణ సంస్థ బాలాజీ ఫిలిమ్స్ ప్రతినిధి స్వాతి శెట్టి చెప్పారు. అయితే, ఇంతవరకు ఏదీ ఖరారు కాలేదని ఆమె చెప్పారు. ఏమైనా, ఈ సినిమా రీమేక్ ప్రాజక్టులో తాము కూడా భాగస్వామ్యులమవుతామనీ, హిందీ వెర్షన్ కన్నా సౌత్ వెర్షన్ మరింత నాణ్యంగా ఉండేలా శ్రద్ధ తీసుకుంటామనీ ఆమె చెబుతోంది.