Amala Paul In Dilemma

Posted: 12/16/2011 06:20 PM IST

amala-paul-img ఏ రేటయినా డిమాండ్, సప్లైనిబట్టే వుంటుందన్న వ్యాపార సిద్ధాంతానికి సినీ పరిశ్రమేమీ మినహాయింపు కాదు. నటిస్తున్న నటులకు సినిమా ఎలా ఉంటుందన్నది విడుదలయ్యేంతవరకూ తెలియదు. రామ్ గోపాల్ వర్మ కున్న పేరుని బట్టి బెజవాడ చాలా బాగా ఆడి కాసులు కురిపిస్తుంది, తనకి అవకాశాలు తరుముకుంటూ వస్తాయని గాఢంగా విశ్వసించిన అమలా పాల్ కి నిరాశ మిగిల్చిందా సినిమా. వేరే ఎటువంటి అవకాశాలూ లేనందు వలన అమలా పాల్ తన రేటుని 50 లక్షల నుంచి అమాంతం 10 లక్షలకు తగ్గించేసిందట. అయినా ఏం లాభం. అవకాశాలంటూ ఉండాలి కానీ ఒట్టిగా ఇంట్లో కూర్చుని రేట్లు పెంచినా తగ్గించినా ప్రయోజనమేముంటుంది.

ప్రేమఖైదీ డబ్బింగ్ సినిమాలో తన ప్రతిభ బాగానే చూపించినా, అమలా పాల్ రమ్మని అడిగేవారెవరూ లేకపోవటంతో, తిరిగి తమిళనాడుకి పోయి అక్కడ ప్రయత్నాలు మొదలుబెడదామా అని అనుకుంటోంది. పారీతోషికాన్ని తగ్గించుకోవటం కంటే పోటీలో ముందుకు సాగాలంటే చెయ్యాల్సినవి ఏమిటన్నది ముందు తెలుసుకోవాలి. టైం అనేది మన చేతిలో లేదు. ఆగేది కాదు. అదే హీరోయిన్ల పాలిట శాపంగా మారుతోంది. వచ్చే సినిమాలన్నీ ప్రేమకథా చిత్రాలే కాబట్టి, వాటికే ఎక్కువ ఆదరణ లభిస్తోంది కాబట్టి, ఎప్పటికప్పుడు కొత్త అందాలు, కుర్రకారుని అలరించే కొత్తకొత్త పద్ధతులను అవలంబిస్తున్న హీరోయిన్లకే ఎక్కువ అవకాశాలు చేజిక్కుతున్నాయి.

-శ్రీజ