Posted: 11/30/2011 12:36 PM IST

2012 సంక్రాంతి బరిలో చిత్రాల సమాఖ్య రోజురోజుకి పెరుగుతుంది. వచ్చే సంక్రాంతి కి మొదటగా మహేష్ బాబు ‘బిజినెస్ మేన్’ రానుండగా, తరువాత బాలకృష్ణ ‘అధినాయకుడు’, రవితేజ ‘నిప్పు’, సునీల్ ‘పూల రంగడు’ రానున్నాయి. సునీల్ మినహా మిగతా హీరోల చిత్రాలు గతంలోనూ సంక్రాంతి కానుకగా విడుదలై విజయం సాధించాయి.

రవితేజ చిత్రాలు ‘ఈ అబ్బాయి చాలా మంచోడు’, ‘కృష్ణ’, ‘మిరపకాయ్’ గతంలో సంక్రాంతి కి విడుదలవగా ‘కృష్ణ’, ‘మిరపకాయ్’ చిత్రాలు ఆర్ధికంగా మంచి వసూళ్లు సాధించాయి. మహేష్ బాబు ‘ఒక్కడు’ సంక్రాంతి కానుకగా వచ్చి రికార్డులు సృష్టించింది. ఇక బాలకృష్ణ తరచూ సంక్రాంతి బరిలో నిలుస్తూనే వుంటారు. పలు చిత్రాలు భారీ విజయాలు నమోదు చేసాయి కూడా.

ఈ క్రమంలో గుణశేఖర్ దర్సకత్వంలో వైవిఎస్ చౌదరి నిర్మాతగా, రవితేజ కథానాయకుడిగా తెరకెక్కుతున్న ‘నిప్పు’ చిత్రానికి కొన్ని విశేషాలు వున్నాయి. గతంలో గుణశేఖర్ దర్సకత్వం వహించిన ‘ఒక్కడు’, వైవిఎస్ చౌదరి నిర్మించిన ‘దేవదాసు’ చిత్రం, రవితేజ నటించిన ‘కృష్ణ’, ‘మిరపకాయ్’ చిత్రాలు సంక్రాంతికి విడుదలై విజయవంతంగా పలు కేంద్రాలలో 100 రోజులు ప్రదర్శింపబడ్డాయి. వీరి ముగ్గురి కలయికలో వసున్న ‘నిప్పు’ ఏ మేరకు విజయాన్ని సాధిస్తుందో చూడాలి.