పాకులాడుతున్న కొండా- అడ్డుకున్న కాంగ్రెస్

Posted: 09/12/2013 03:10 PM IST

‘‘ఊయ్యలా ఊగి .. ఊగి.. ఊగీ.. చివరకు.. ఎక్కడ మొదలైందో.. అక్కడకే వచ్చి ఆగుతుంది’’ అనే విషయం జగమేరిగిన సత్యం. ఇప్పుడు అదే పరిస్థితుల్లో మన కొండక్క ఉంది. కొండక్క అంటే.. కొండా సురేఖ అన్నమాట. ఉన్నది పోయింది, ఉంచుకున్నది పోయింది అనే విధంగా కొండా దంపతులు జీవితం తయారైందని తెలంగాణ ప్రాంత నేతలు అంటున్నారు. నిన్నటి వరకు తెలంగాణకు మేము అనుకూలం అంటూ ఫ్యాన్ పట్టుకొని తెలంగాణ మొత్తం తిరిగిన విషయం తెలిసింది. సోనియా గాంధీ రాష్ట్రం పై తెలంగాణ అనుకూలంగా నిర్ణయం ప్రకటించిన వెంటనే.. కొండక్క ఫ్యాన్ కు కరెంట్ పోయి, రెక్కలు విరిగిపోవటంతో, ఒక్కసారిగా కొండా దంపతలు అంధకారంలోకి వెళ్లిన పరిస్థితి ఏర్పాడింది. చివరకు ఫ్యాన్ గుర్తు యాజమానికి గుడ్ బై చెప్పి, హస్తంలో చేరటానికి అందరికి చేతులేత్తి నమస్కరించి.. చివరకు . సమైక్యాంద్రకు మద్దతు పలికిన రాష్ట్ర ముఖ్యమంత్రి నల్లారి కిరణ్ రెడ్డి, డిగ్గీరాజ ఆద్వర్యంలో కాంగ్రెస్ లోకి చేరిన విషయం తెలిసిందే. అయితే ఇప్పటి నుంచి కొండక్కకు.. కాంగ్రెస్ నాయకులే శత్రువులుగా మారిపోయారు. వరంగల్ నియోజక వర్గంలో.. మళ్లీ తన పూర్వవైభవాన్ని చాటుకునేందుకు కొండా దంపతులు పాదయాత్రలు, సభలు నిర్వహించేందుకు సిద్దమవుతున్నారు. వరంగల్ నియోజక వర్గంలో ఉన్న కాంగ్రెస్ నాయకులే.. కొండా దంపతులను అడ్డుకునే ప్రయత్నాలు చేస్తున్నట్లు సమాచారం. ఎలాగైన మళ్లీ తమ వర్గీయులు, తమవైపు తిప్పుకునే ప్రయత్నాలు కొండా దంపతులు చేస్తున్నారు. అందుకు, వైఎస్ఆర్ కాంగ్రెస్ పార్టీని, టీఆర్ఎస్ పార్టీని టార్గెట్ చేసుకొని కొండా దంపతులు తెలంగాణలో తిరగటానికి సిద్దమైనట్లు కాంగ్రెస్ వర్గాలు అంటున్నాయి. అయితే కొండా దంపతులకు కాంగ్రెస్ పార్టీ ఎలా సహకరిస్తుందో చూడాలి.